घाटी म गिरिस कार : 4 लोगन के मौत
कवर्धा कुकदुर कना बिहनिया भीषण सड़क हादसा म एके परिवार के 4 लोगन के होईस मौत, उहें 4 लोगन हे घायल, पोलमी घाटी म 50 फीट ऊंचाई ले नीचे गिरिस अनियंत्रित कार, मृतक म 3 महिला अउ 1 पुरुष हे शामिल, बेमेतरा निवासी 8 सदस्य इलाहाबाद ले अस्थि विसर्जन कर लहुटत रहिन रायपुर।
ट्रेलर ह भाई-बहिनी ल मारिस टक्कर
बिलासपुर सीपत थाना क्षेत्र के ग्राम फरहदा म ट्रेलर ह बाइक सवार भाई बहिनी ल मारिस टक्कर, बहिनी राजेश्वरी के कुचलके मौका म होईस मौत, गंभीर रूप से घायल संजय बिलासपुर सिम्स म भर्ती, गुस्साए ग्रामीण अउ परिजन बिलासपुर सीपत मार्ग म करिन चक्काजाम।
कॉलेज प्राचार्य ल उच्च शिक्षा विभाग के नोटिस
दुर्ग खुर्सीपार कॉलेज म ताला लगाके पूरा टीचिंग स्टाफ ड्यूटी ले नदारद रहे के मामला ल गंभीरता से लेवत उच्च शिक्षा विभाग ह अपर संचालक समेत सब्बो कॉलेज के प्राचार्य ल जारी करिस नोटिस, अब प्राचार्य, प्राध्यापक अउ अन्य कर्मचारी ल 7 घंटा कॉलेज म ड्यूटी म रहना हे अनिवार्य।
भू-माफिया नरेंद्र मोटवानी समेत 3 गिरफ्तार
बिलासपुर कोटा थाना क्षेत्र म चर्चित भू-माफिया नरेंद्र मोटवानी अउ ओखर 2 साथी ल पुलिस करिस गिरफ्तार, नरेंद्र ह जमीन विवाद म मां-बेटा के अपहरण कर बंधक बनाके करे रहिस पिटाई, अब बैंक मैनेजर ले मिलीभगत कर 14 लाख के करिस फ्रॉड।
SECL मानिकपुर खदान म हंगामा
कोरबा के SECL मानिकपुर खदान म मचिस बवाल, सैकड़ों के संख्या म भू-विस्थापित पहुंचिस ठेका कंपनी के कैंप, प्रबंधन उपर वादाखिलाफी के आरोप लगात पड़ोसी राज्य ले आए मजदूर मन ल कैंप ले निकालिन बाहिर, पुलिस के समझाइश के बाद भू-विस्थापित होईन शांत।
गड्ढा म गिरके मासूम देवांश के मौत
बिलासपुर मस्तूरी थाना क्षेत्र के ग्राम कौहरौदा म बिहनिया खेलत-खेलत मासूम के बनिस जल समाधि, घर के पाछू बाड़ी म तालाब नुमा बने गड्ढा म गिरे ले पानी म डूब के एक बछर के देवांश केवट के होईस मौत, गांव म पसरिस मातम।
धोखाधड़ी करईया 2 आरोपी गिरफ्तार
खुद ल कभू पुलिसकर्मी त कभू बिलासपुर तारबाहर थाना प्रभारी अउ कभू क्राइम ब्रांच स्टाफ बताके धोखाधड़ी ले सोना के 3 चैन हड़पने वाला आरोपी पामगढ़ निवासी योगेंद्र अनंत अउ देवेंद्र राजपूत ल करे गईस गिरफ्तार, आरोपी ह झांसा देके हथिया लेहे रहिस पवेलियन डॉग।
कलेक्टर तारण सिन्हा के पिता के निधन
देश के मशहूर केप एस्ट्रोलॉजिस्ट, अंग्रेजी भाषा के विद्वान अउ जांजगीर कलेक्टर तारण प्रकाश सिन्हा के पिता मानवेंद्र नाथ सिन्हा के इलाज के दौरान होईस निधन, एमएन सिन्हा के कार्डियक अरेस्ट के वजह ले गईस जान, शिक्षा जगत म शोक के लहर।
3 आरक्षक उपर निलंबन के गाज
सक्ती म 3 आरक्षक उपर निलंबन के गिरिस गाज, हसौद थाना के भागवत श्रीवास उपर धन्ना सेठ के प्राइवेट ड्यूटी करे, सक्ती के किशोर साहू उपर 17 हजार रिश्वत लेहे अउ शराब बिक्री के नाव म उगाही, त जैजैपुर के आरक्षक रमेश धिरहे उपर नौकरी लगाए के झांसा देहे के लगे आरोप सही पाए जाए म तीनों ल करे गईस निलंबित।
🅷🅴🅰🅳🅻🅸🅽🅴 छत्तीसगढ़ के दिनभर के बड़का समाचार ।। 22 दिसम्बर 2022
