Video – जांजगीर-चांपा : 13 करोड़ 93 लाख के एसटीपी निर्माण चढ़ीस भ्रष्टाचार के भेंट,कांग्रेस प्रवक्ता के आरोप

हर्षित तिवारी – जांजगीर चांपा नगर पालिका ह स्वच्छता के नाव म प्रदेश म प्रथम पुरस्कार प्राप्त करे हे, त उहे सफाई ल लेके हमेशा चर्चा म रहे नगरपालिका म सीवरेज के गंदा पानी ल पाइप लाइन के माध्यम ले वाटर ट्रीटमेंट प्लांट तक ले जाय जावत हे, जेला फिल्टर कर नदी म बहाय के प्रक्रिया करे जाही, स्वच्छता के पहल बर छत्तीसगढ़ सरकार द्वारा 13 करोड़ 93 लाख के लागत ले एच टी पी पाइप लाइन बिछाय जावत हे, जिहा ठेकेदार के बड़े लापरवाही निकलके आघु आय हे, जिला के कांग्रेस प्रवक्ता नागेंद्र गुप्ता ह ठेकेदार ऊपर आरोप लगात कहीस के जेन प्रकार ले पाइप लाइन बिछाय जावत हे, बरसात आत ही नदी म बोहा जाही, येकर नीचे कोनो भी प्रकार के कोई बेसमेंट नई दिये गय हे, ना ही कोई सपोर्ट लगाय गय हे, अईसे स्थिति म सरकार के ये अनोखा पहल म भ्रष्टाचार के लेप लगत नजर आवत हे, उहे नागेंद्र गुप्ता ह आरोप लगात कहीस के ठेकेदार के लापरवाही ल जिम्मेदार अधिकारी ल संज्ञान लेना चाहि, अउ भ्रष्टाचार म लगाम लगाना चाहि…देखव हमर खास रिपोर्ट