Video तखतपुर : नशा के खिलाफ निजात अभियान के भव्य आयोजन, नुक्कड़ नाटक, कठपुतली नाच ले जागरूकता
राजेश सोनी – तखतपुर – लइकन बर काम करइया अंतराष्ट्रीय संस्था संयुक्त राष्ट्र के यूनिसेफ आऊ काउंसिल टू सिक्योर जस्टिस संगठन के संग मिलके बिलासपुर पुलिस ह लईका आऊ मनखे मन ला नशा से दूर रहे आऊ नशा के दुष्प्रभाव ले बचाए खातिर नशा विरुद्ध निजात अभियान चलावत हे, बिलासपुर पुलिस हा निजात अभियान ले अपराध आऊ नशा म फसे लईका मन ला अपराध आऊ नशा के लत ले बाहिर लाके मुख्यधारा म लाए बर प्रयास करत हे, यही कड़ी मा अंतराष्ट्रीय नशा निरोधक दिवस के अवसर म बिलासपुर पुलिस विभाग ह तखतपुर सांस्कृतिक भवन म नशा विरोधी निजात जागरूकता कार्यक्रम के आयोजन करीस, जेमा क्षेत्रीय विधायक रश्मि सिंह, बिलासपुर पुलिस अधीक्षक संतोष सिंह, अतिरिक्त पुलिस अधीक्षक राहुल देव शर्मा, तहसीलदार शेखर शशांक शुक्ला, जिला पंचायत सभापति जितेंद्र पांडेय उपस्थित रहीनॉ
देखव खबर
कार्यक्रम के शुरुवात अतिथि मन द्वारा छत्तीसगढ़ महतारी के चित्र के आघू दीप प्रज्वलित करके करे गइस, ओखर बाद अतिथि मन ला पुष्पगुच्छ देके स्वागत करे गइस, संबोधन के कड़ी मा कार्यक्रम के मुख्यातिथि रश्मि सिंह हा बताइस के पुलिस अधीक्षक संतोष सिंह के द्वारा चलाए जावत निजात अभियान के असर बिलासपुर जिला मा देखे ला मिलत हे, जेमा आम नागरिक मन भी अभियान मा जुड़ के अपन जिंदगी ला सवारत हे। नशा एक सामाजिक बुराई आय, एखर से अपन आप अउ दुसर मनखे मन ला बचना चाहि, रश्मि सिंह ह नशा के लत ले युवा मन ला दूर करे बर आऊ गुमराह मनखे मन ला जिंदगी के सही राह मा लाए बर पुलिस अधीक्षक संतोष सिंह के तारीफ करिस। कार्यक्रम मा बिलासपुर अधीक्षक संतोष सिंह भी अपन बात ला रखिस आऊ लोगन ला नशा से दूर रहे के अपील करिस, कार्यक्रम म नुक्कड़ नाटक आऊ कठपुतली नाच के जरिया ले नशा के विरुद्ध जन जागरूकता देखे ला मिलिस।आप मन ला बता दन के बिलासपुर म आए से पहली पुलिस अक्षीक्षक संतोष सिंह के पास कोरिया जिले के कमान रहीस, जीहा संतोष सिंह हा अभियान निजात के तहत अवैध नशा के खिलाफ एक बड़का सामाजिक आंदोलन खड़ा करें रहीस आऊ कई भटके हुए मनखे मन के परिवार म खुशहाली लौटाइस, आज के कार्यक्रम म अनुविभागीय अधिकारी नुपुर उपाध्याय, कोटा एडीओपी सिद्धार्थ बघेल,थाना प्रभारी एस आर साहु सहित कई समाज के प्रमुखजन,आंगनबाड़ी कार्यकर्ता अउ बड़े संख्या म नगरवासी उपस्थित रहीन।
