Chhattisgarh : शबरी के बोईर लेके आज अयोध्या जाही CM साय, जम्मों मंत्रिमंडल करही ‘भांचा राम’ के दर्शन, ले जाही करी लड्डू, बिस्नूभोग चाउर अऊ अरसा
Chhattisgarh : छत्तीसगढ़ के जम्मों मंत्रिमंडल आज (13 जुलाई) के अयोध्या जाही, मुख्यमंत्री साय ह ए मौका म माता शबरी के भुंईया कहे जाने वाले शिवरीनारायण से बोरई से भरे फल टूकनी, करी लड्डू, बिस्नूभोग चाउर, कोसा के कपड़ा,अरसा अऊ सीताफल घलोक उपहार के रूप में भांचा राम ल भेंट करही ।
22 जनवरी के राम मंदिर प्राण प्रतिष्ठा के बाद से ही चर्चा रहिस के मुख्यमंत्री साय अऊ जम्मों मंत्री भांचा राम के दर्शन करे अयोध्या जाही। CM साय कहे भी रहिस की जल्द ही जम्मों मंत्रिमंडल के संग उ मन अयोध्या जवईया हे । साय सरकार के ये अयोध्या दर्शन कार्यक्रम एक दिन के ही हे । संझा होअत होअस जम्मों मंत्री रायपुर लहुट आही ।
अयोध्या दर्शन कर संझा तक लहुट आही
कार्यक्रम के मुताबिक, शनिचर के बिहिनया 9.30 बजे स्वामी विवेकानंद एयरपोर्ट से सीएम समेत जम्मों मंत्री रवाना होंही अऊ 11 बजे महर्षि वाल्मीकि इंटरनेशनल एयरपोर्ट अयोध्या धाम पहुंचही। 11.15 बजे से शाम 5 बजे तक श्रीराम जन्मभूमि अयोध्या धाम म श्री रामलला के दर्शन अऊ मंदिर के भ्रमण करही। एकर बाद संझा 5.15 बजे अयोध्या धाम एयरपोर्ट से रायपुर बर वापसी होही। संझा 6.45 बजे स्वामी विवेकानंद एयरपोर्ट रायपुर लहुट आही ।
शिवरीनारायण के ये हे मान्यता
मुखिया साय ह जेन शिवरीनारायण से बोईर ले भरे टुकनी ले जावत हे ओकर मान्यता रामायण से जुड़े हे। माने जाथे कि, प्रभु श्रीराम ह शिवरीनारायण म ही माता शबरी के जूठा बोईर खाए रहिन । एकरे सेति ए भेंट ननिहाल से अपना भांचा राम बर ले जाऐ जावत हे ।
बता दिन की संगे संग छत्तीसगढ़ सरकार ह रामलला दर्शन योजना घलोक शुरू करे हे । एकरे तहत प्रदेशभर के श्रद्धालु मन आस्था स्पेशल ट्रेन से अयोध्या धाम के साथ काशी के भी दर्शन करे निशुल्क जावत हे । इस योजना म हजारों श्रद्धालु अब तक रामलला के दर्शन कर चुके हे।
छत्तीसगढ़ में अच्छी बारिश के लिए धुमधाम से हुए मेंढक मेंढकी की शादी
