दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

♦भिलाई के सूर्या मॉल म सेक्स रैकेट के भंडाफोड़
दुर्ग भिलाई के सूर्या मॉल म स्पा सेंटर के आड़ म खुलेआम चलत देह व्यापार के होईस भंडाफोड़, पुलिस छापामारी म आपत्तिजनक हालत म मिलिस विदेशी समेत 8 लड़की, स्पा सेंटर ले कई आपत्तिजनक सामान बरामद, संचालक मोहम्मद शारिक खान ल करे गईस गिरफ्तार।

♦ स्टंटबाज मन के खिलाफ एक्शन म पुलिस
बिलासपुर सीपत रोड स्थित सरकंडा मार्ग म कार के दूनों गेट खोलके स्टंट करईया कमलेश्वर सिंह गार्डन सिटी मोपका निवासी समेत सब्बो युवक मन के खिलाफ पुलिस करिस कार्रवाई, साथ ही 17 हजार के काटिस चालान।

♦शिक्षिका ह फांसी लगाके करिस खुदकुशी
कोरबा बालको थाना क्षेत्र के सेक्टर 3 म शिक्षिका ह फांसी लगाके करिस खुदकुशी, मृतिका नीता यादव शिक्षाकर्मी वर्ग 1 म बालको शासकीय स्कूल म रहिस पदस्थ, मृतिका के पास ले सुसाइड नोट करे गईस बरामद, मामला के जांच म जुटिस पुलिस।

♦छत्तीसगढ़ म कोरोना के कहर
छत्तीसगढ़ म लगातार बाढ़त जावत हे कोरोना के केस, 5620 लोगन के कोरोना जांच म 476 मिलिस संक्रमित, अब एक्टिव मरीज के संख्या पहुंचिस 2222, प्रदेश म 17 अप्रैल के 22 जिला ले पाए गईस कोरोना संक्रमित।

♦GRP के महिला इंस्पेक्टर के दबंगई
बिलासपुर म GRP के महिला निरीक्षक दया कुर्रे ह साइकिल स्टैंड के कर्मचारी के जमके करिस पिटाई, मारपीट के वीडियो CCTV म कैद, स्टैंड संचालक रंजीत कुमार महतो ह तोरवा थाना म दर्ज कराईस शिकायत, पईसा नई देहे म पिटाई के लगे हे आरोप।

♦कोरोना पॉजिटिव महिला अस्पताल ले फरार
कांकेर भानुप्रतापपुर सामुदायिक स्वास्थ्य केंद्र ले कोरोना पॉजिटिव महिला होईस फरार, महिला ल बुखार आए म अस्पताल म करे गए रहिस भर्ती, कोरोना रिपोर्ट पॉजिटिव आए म अपन सामान छोड़के होईस फरार, महिला कोयलीबेड़ा विकासखंड के ग्राम पोरोडी के हे निवासी।

♦IED के चपेट म आके DRG के जवान जख्मी
बीजापुर जांगला थाना क्षेत्र म नक्सली के लगाए IED के चपेट म आके DRG के जवान शंकर पारेट होईस घायल, जवान के कई अंग म आईस चोट, IED डिफ्यूज करे के दौरान होईस धमाका, नक्सली मन के साथ होए रहिस मुठभेड़।

♦भोरमदेव अभ्यारण्य म लगिस भीषण आगी
कवर्धा के भोरमदेव अभ्यारण्य म लगिस भीषण आगी, कोर जोन समेत 2 दर्जन ले जादा जघा म देखे बर मिलिस आगी, आफत म आईस वन्य प्राणी के जान, लेकिन वन विभाग के दिखत हे लापरवाही।

♦पुलिस-माओवादी मुठभेड़ म 1 नक्सली ढेर
नारायणपुर नैमेड़ थाना क्षेत्र म पुलिस अउ माओवादी मन के बीच मुठभेड़ म 1 नक्सली होईस ढेर, गश्त के दौरान कचलावारी म होईस मुठभेड़, मौका ले पकड़े गईस 2 नक्सली, एक म।

♦पिकनिक मनाए गए 12वीं के छात्र के डूबके मौत
कोरबा बालको थाना क्षेत्र के फुटहामुड़ा जोगी सुरंग पिकनिक स्पॉट म होए हादसा म एक छात्र के गईस जान, 17 वर्षीय मृत छात्र साहिल साहू निर्मला स्कूल म 12वीं कक्षा के रहिस छात्र अउ अपन 2 दोस्त मन संग गए रहिस पिकनिक मनाए, जिहां डूबके होईस मौत, रेस्क्यू ऑपरेशन चलाके जोगीसुरंग ले निकाले गईस शव।

♦पारिवारिक विवाद म होए रहिस BJP नेता के हत्या
मुंगेली चिल्फी थाना क्षेत्र के गोल्हापारा गांव म भाजपा नेता शत्रुघ्न साहू के हत्या मामला म पत्नी, बेटी, 2 बेटा अउ बहू समेत 5 लोगन ल हिरासत म लिहिस पुलिस, पारिवारिक विवाद म घटना ल देहे गए हे अंजाम, बतादन संदिग्ध हालत म सड़क किनारे BJP नेता के खून से लथपथ मिले रहिस लाश।

♦असम ले छत्तीसगढ़ आईस 4 मादा वनभैंसा
अब विलुप्ति के कगार म हे छत्तीसगढ़ के राजकीय पशु वनभैंसा, जेला बचाए बर 1700 किलोमीटर के दूरी तय कर 4 मादा वनभैंसा ल लाए गईस गरियाबंद, असम के मानस पार्क से लाए गए वनभैंसा ल बारनवापारा अभयारण्य म करे गईस क्वारंटाइन, एक भी मादा नई होए ले रूके रहिस वंशवृद्धि।

♦दामाद संग मिलके पत्नी ह पति के करिस हत्या
जांजगीर-चांपा म पत्नी ह अपन दामाद के साथ मिलके पति ल उतारिस मौत के घाट, वाद-विवाद अउ लड़ाई झगड़ा ले त्रस्त होके आरोपी मन द्वारा घटना ल देहे गईस अंजाम, जेखर बाद नहर म बहाईस लाश, आरोपी रतन बाई अउ रामेश्वर कश्यप ल पुलिस कर लिए हे गिरफ्तार।