Chhattisgarh – भूपेश दाऊ के आघू दहाड़े म सुरेंद्र दाऊ ल नोटिस, भरे मंच म निकाले रहिस अपन भड़ास, पार्टी मांगिस 3 दिन म जवाब…देखव पार्टी कति ले जारी नोटिस अऊ Video
Chhattisgarh – राजनांदगाव लोकसभा सीट म ब्लॉक कांग्रेस कमेटी ग्रामीण कार्यकर्ता सम्मलेन म पहुंचे पूर्व सीएम भूपेश बघेल ल खरी खरी सुनाए वाला कार्यकर्ता ल पार्टी ह नोटिस जारी कर तीन दिन म जवाब मांगे हे, जवाब नई देहे म उंकर खिलाफ एक तरफ़ा कार्यवाही के बात कहे गए हे।
देखव पार्टी कति ले जारी नोटिस
बता दिन कि, राजनांदगाव लोकसभा सीट से कांग्रेस ह पूर्व सीएम भूपेश बघेल ल अपन प्रत्याशी बनाए हे । सोमवार के भूपेश ह ब्लॉक कांग्रेस कमेटी ग्रामीण कार्यकर्ता सम्मलेन म पहुंचे रहिन जिंहा जिला पंचायत सदस्य सुरेंद्र दाऊ ह मंच म अपन भड़ास निकालत उनला जमके खरी-खोटी सुनाईस ।
देखव वीडियो
कोन हे सुरेंद्र दाऊ
मंच म भड़ास निकाले वाला सुरेंद्र दाऊ कांग्रेस के पुराना कार्यकर्ता हे अऊ वर्तमान म जिला पंचायत सदस्य हैं। वो ह पाछू कई दिन ले बड़े नेता मन से इंहा के कार्यकर्ता मन ल मिलवाए के कोशिश करत रहिन फेर उनला मिले के मौका नई देहे जावत रहिन चर्चा म ए भी हे कि, भूपेश बघेल जिहां-जिहां चुनावी मीटिंग लेवत रहिन उंहा केवल कुछ करीबी नेता मन के ही एंट्री रहिस जेकर चलत कार्यकर्ता मन एकर से नाराज हो गईन ।
