राज्यपाल दिल्ली प्रवास बर रवाना
प्रदेश म चलत आदिवासी आरक्षण के मुद्दा के बीच राज्यपाल अनुसुइया उइके 3 दिवसीय दिल्ली प्रवास बर होईस रवाना, राष्ट्रपति द्रौपदी मुर्मू, प्रधानमंत्री मोदी समेत गृहमंत्री अमित शाह ले आरक्षण ल लेके हो सकत हे चर्चा।
इंद्रावती टाइगर रिजर्व म वन भैंसा के झुंड
बीजापुर के इंद्रावती टाइगर रिजर्व म दिखिस 6 वन भैंसा के झुंड, पेट्रोलिंग गार्ड अउ ग्रामीण के साथ मिलके करे जावत हे निगरानी, छत्तीसगढ़ के राजकीय पशु वन भैसा के जनसंख्या वृद्धि, संरक्षण अउ संवर्धन बर लगातार करे जावत हे प्रयास।
भिलाई म नाबालिग के साथ दुष्कर्म
भिलाई के रेलवे क्षेत्र म नाबालिग के साथ दोस्ती के बाद रेप अउ अश्लील फोटो इंस्टाग्राम म पोस्ट करे के आईस मामला, पीड़िता के शिकायत म जीआरपी ह आरोपी शेख साजिद अली ल करिस गिरफ्तार, आरोपी ह रेप के बाद नाबालिग के न्यूड तस्वीर इंस्टाग्राम म करिस पोस्ट।
संजू त्रिपाठी हत्याकांड के खुलासा
बिलासपुर म संजू त्रिपाठी हत्याकांड के होईस खुलासा, संपत्ति विवाद के चलत पिता, भाई, पत्नी समेत दूसर रिश्तेदार अउ साथी मन मिलके संजू ल उतारे रहिस मौत के घाट, हत्या बर यूपी ले बुलाए गए रहिस शूटर्स, मामला म 11 लोगन गिरफ्तार।
उर्मिला मातोंडकर ल राजकीय गमछा भेंट
बॉलीवुड एक्ट्रेस उर्मिला मातोंडकर ल छत्तीसगढ़ के राजकीय गमछा करे गईस भेंट, गौरव द्विवेदी मुंबई म उर्मिला ले मुलाकात कर छत्तीसगढ़ आए के दिहिस न्योता, अभिनेत्री वेब सीरीज ले करत हे कम बैक।
मोंगरी मछली पालन करे म होही जेल
उत्पादन बढ़ाए बर बड़े तादाद म थाईलैंड मोंगरी अउ बिग हैड जईसे प्रजाति के मछली पालन उपर बिलासपुर म लगाए गईस प्रतिबन्ध, ए जानलेवा मछली ले दूसर जीव के होवत हे हानि, उत्पादन करईया ल 1 बछर के हो सकत हे जेल।
आधा दर्जन गांव म पुलिस के कार्रवाई
बलौदाबाजार-भाटापारा जिला के सिमगा, लवन समेत आधा दर्जन गांव म अवैध शराब बिक्री के खिलाफ पुलिस करिस कार्यवाही, आरोपी 11 शराब कोचिया ल गिरफ्तार कर भेजे गईस जेल, 5 मोटरसाइकिल के घलो होईस जब्ती।
जवान मन ल मिलिस लड़की के लाश
सर्चिंग म निकले जवान मन ल मध्यप्रदेश अउ छत्तीसगढ़ सीमा के सोनवाही के जंगल म आदिवासी लड़की के नग्न हालत म मिलिस लाश, पूरा इलाका म फईलिस सनसनी, कवर्धा के झलमला इलाका के हे घटना, 13 दिन ले नाबालिग लड़की रहिस लापता।
पत्नी उपर कुल्हाड़ी ले ताबड़तोड़ हमला
कोरबा शयांग थाना क्षेत्र के खिसलारीपारा म दारू बर पईसा नई देहे म गुस्साए पति ह अपन पत्नी उपर कुल्हाड़ी ले ताबड़तोड़ करिस हमला, घटना के बाद फरार आरोपी पति प्रफुल्ल यादव ल जंगल ले करे गईस गिरफ्तार।
11 सदस्यीय कमेटी करे गईस गठित
बिलासपुर सीपत म दरगाह इन्तेजामियां कमेटी मचखण्डा के 11 सदस्यीय कमेटी करे गईस गठित, नवगठित कमेटी के फूलमाला अउ दस्तारबंदी ले करे गईस स्वागत, मचखण्डा शरीफ के जनाब चेयरमेन सकीरुद्दीन अक्कू के अध्यक्षता म करे गईस टीम गठित, मुस्लिम समाज म एकजुटता लाए के देहे गईस संदेश, 23 ले 26 फरवरी तक प्रस्तावित सालाना उर्स बर करे गईस चर्चा, आगामी बैठक म रूपरेखा करे जाहि तैयार, नवा कार्यकारिणी ल मुस्लिम समाज के लोगन बधाई देत हुए उज्जवल भविष्य के करिस कामना।
सड़क हादसा म महिला के दर्दनाक मौत
धमतरी म दुगली थाना क्षेत्र के पालवाड़ी कना धमतरी रोडवेज बस आऊ कार म होइस भीषण टक्कर, कार सवार मधु देवांगन के होईस दर्दनाक मौत, कार म पति पत्नी आऊ एक लइका छुरा ले जावत रहिन धमतरी, घायल नेहरू देवांगन आऊ पुत्र शंशाक ल उपचार बर जिला अस्पताल म कराये गईस भर्ती।
कोरबा म निकाले गईस क्रिसमस रैली
कोरबा म प्रभु यीशु मसीह के आगमन ल लेके मसीही समाज के लोगन निकालिस भव्य विशाल रैली, जिला के सबले पुराना मेनोनाइट चर्च ले निकाले गए रैली पावर हाउस, बुधवारी चौंक, घंटाघर होवत हुए पहुंचिस कोसा बाड़ी चौक चर्च, मैरी क्रिसमस के तर्ज म बड़े दिन के जिलावासी मन दिहिन बधाई।
गुरु घासीदास जयंती के अवसर म शोभायात्रा
गुरु घासीदास बाबा के 266 वां जयंती के अवसर म बाबा के अनुयायी मन निकालिस भव्य शोभायात्रा, मनखे मनखे एक समान के तर्ज म देहे गईस संदेश, कोरबा के गौ माता चौंक ले बाजा गाजा के साथ पहुंचिस टीपी नगर जैतखाम, जिहां करे गई विशेष पूजा।
एफएलएन प्रशिक्षण सह कार्यशाला सम्पन्न
संकुल केंद्र पूर्व माध्यमिक शाला बिलासपुर नवाडीह सीपत म जोन स्तरीय एफएलएन प्रशिक्षण सहकार्यशाला होइस सम्पन्न, राष्ट्रीय शिक्षा नीति 2020 के सफल संचालन अउ 2026 तक के कार्ययोजना ल प्रतिपादित करे के उद्देश्य ले चार दिवसीय कार्यशाला के करे गए रहिस आयोजन, संकुल केंद्र कन्या बालक सीपत, पोड़ी, जांजी, गुड़ी के प्राथमिक स्तर के 45 शिक्षक मन ल मास्टर ट्रेनर मन करिस प्रशिक्षित, स्थानीय बोली अउ अभ्यास गतिविधि के बारे म करे गईस संवाद, सब्बो ल स्मृति चिन्ह देके करे गईस सम्मानित, ज़ोन स्तरीय प्रशिक्षण म प्रमोद कुमार पांडेय, श्रीकांत श्रीवास सहित अन्य संकुल समन्वयक अउ शिक्षक मन रहीस मौजूद।
मुख्यमंत्री के नाव पोस्टकार्ड अभियान
राजस्व पटवारी संघ शाखा बिलासपुर के तत्वाधान म पटवारी मन ‘पदोन्नति के चाह म, आंदोलन के राह म’ के तहत मुख्यमंत्री के नाव चलाइस पोस्टकार्ड अभियान, जिलाध्यक्ष देव कुमार कश्यप कहिस सरकार देवय पटवारी मन ल पदोन्नति, सब्बो विभाग मन म चलत हे पदोन्नति के दौर, पटवारी मन उपर सरकार नई देवत हे ध्यान, सीएम कना पूरा फाइल हावय सुरक्षित, फेर पटवारी मन के पदोन्नति म काबर होवथे देरी।
सरकार के 4 बछर पूरा होए म कार्यक्रम
बलौदाबाजार करही बाजार म छत्तीसगढ़ सरकार के 4 बछर पूरा करे के अवसर म गौरव दिवस के रूप म मनाईस कांग्रेस, विभिन्न सोसाइटी म कार्यक्रम करे गईस आयोजित, जेमा मुख्य अतिथि चैतराम साहू के पुष्पहार ले करे गईस स्वागत, केसला धान संग्रहण केंद्र समेत खैरा, पाटन, धनेली, बिटकुली सहित अन्य गांव के सोसाइटी म कार्यक्रम के करे गईस आयोजन।
गुरु घासी दास जयंती अवसर म भव्य शोभायात्रा
बलौदाबाजार सिमगा ब्लॉक के ग्राम हरिनभट्ठा म बाबा गुरु घासी दास जयंती के शुभ अवसर म निकाले गईस भव्य सोभा यात्रा, गांव के सब्बो सियान, युवा, महिला मन शोभायात्रा म होइस शामिल, सतनामी समाज अध्यक्ष जगदीश्वर सोनवानी द्वारा प्रमुख स्थान म जोड़ा जैतखाम म करे गईस ध्वजारोहण, ए दौरान पूर्व जनपद सदस्य द्रोपति गिरजा टोंडे, सरपंच रंजीत सोनवानी, जिनेद्र भारती, घनश्याम चतुर्वेदी, अर्जुन टोंडे, देवेंद्र सोनवानी प्रमुख रूप ले रहिन उपस्थित।
