🆅🅸🅳🅴🅾 अंबिकापुर : सीएम बने ल लेके टीएस सिंहदेव के बड़का बयान, कोन मुख्यमंत्री बनना नई चाहय – सिंहदेव

छत्तीसगढ़ के स्वास्थ्य मंत्री टीएस सिंहदेव आज कल काफी चर्चा म रहे लगे हे, इहां के राजनीति के बात जब भी आथे त मंत्री टीएस सिंहदेव के नाम जरूर आथे, लोगन अभी तक ये बात भूले नई हे के छत्तीसगढ़ म ढाई-ढाई साल सीएम बने रहे के चर्चा होए रहिस, जेमा टीएस सिंहदेव के नाम घलो सामने आए रहिस, एक बार फेर सिंहदेव ह सीएम बने ल लेके बड़े बयान दिए हे, कहे हे के कोन मुख्यमंत्री बनना नई चाहय, मौका मिलतिस त मैं भी छत्तीसगढ़ बर काम करतेव, अंबिकापुर म पत्रकार मन जब ढाई-ढाई साल के मुख्यमंत्री के कुर्सी ल लेके सवाल पूछिस त फेर एक बार टीएस सिंहदेव के मुख्यमंत्री के कुर्सी ल लेके दर्द छलक आईस।