पढ़व आज मंझनिया तक के छत्तीसगढ़ के हर छोटे बड़े खबर फटाफट मात्र 2 मीनट म, अऊ रहव अप टू डेट

खदान म गिरीस कार, 4 लोगन के मौत
सारंगढ़-बिलाईगढ़ के टिमरलगा गांव तीर पानी ले भरे खदान म कार गिरे ले एके परिवार के 4 लोगन के होईस मौत, हादसा म 15 साल के लड़की तउरके निकलीस बाहिर, बताय जावत हे के टीमरलगा के सरपंच महेंद्र पटेल अपन माता-पिता, पत्नी अउ 15 साल के बेटी संग गय रहीन ओडिशा

बीजेपी पार्षद समेत 60 कार्यकर्ता उपर FIR दर्ज
राजधानी म बीजेपी ह नगर निगम के खिलाफ जमके करीस प्रदर्शन, बैरिकेडिंग तोड़के नगर निगम के उखाडीन मेन गेट, तोड़फोड़ अउ पुलिसकर्मी ले मारपीट के आरोप म पुलिस ह भाजपा पार्षद, कार्यकर्ता समेत 60 ले जादा लोगन के खिलाफ एफआईआर करीस दर्ज

कार ले 25 पेटी शराब जब्त
बलौदाबाजार-भाटापारा पुलिस अवैध रूप ले शराब के परिवहन करत एक अपचारी बालक ल करीस गिरफ्तार, पुलिस ह अपचारी बालक ले एक चार पहिया वाहन के अंदर मध्यप्रदेश के 25 पेटी अंग्रेजी गोवा व्हीस्की शराब करीस जब्त, कार एक्स यु व्ही समेत 4 मोबाईल बरामद

नवा उप तहसील म शामिल करे जाय के विरोध
बलरामपुर जिला के वाड्रफनगर तहसील ले पृथक होके नवा उपतहसील चलगली के सीमांकन म 12 ग्राम के सैकड़ों लोगन विरोध जतात ग्राम पंचायत बरतीकला चौक म जुटीन, आक्रोशित ग्रामीण ल मंत्री अउ स्थानीय विधायक डॉ. प्रेमसाय सिंह टेकाम उप तहसील म शामिल नई करे के दिहीस आश्वासन

जिला अस्पताल बांटत हे जिंदगी
मुंगेली के जिला अस्पताल म लोगन ल कलेक्टर के निर्देश म अस्पताल म प्रबंधन द्वारा कराय जावत हे बेहतर स्वास्थ्य सुविधा मुहैया, विशेषज्ञ डॉक्टर के टीम द्वारा प्रसव ले लेके सर्जरी, प्रत्यारोपण जईसे जटिल कार्य ले अब जिला अस्पताल के प्रति लोगन के बाढ़िस विश्वास, ज़िला अस्पताल म ये सब होवत हे संभव

मलेरिया मुक्त छत्तीसगढ़ अभियान
छत्तीसगढ़ ल मलेरिया मुक्त बनाय अभियान के सातवां चरण होईस पुरा, स्वास्थ्य विभाग के टीम बस्तर संभाग के बीजापुर, दंतेवाड़ा, नारायणपुर अउ सुकमा के दुर्गम, दूरस्थ गांव के एक लाख 83 हजार 796 घर म पहुंचके करीस मलेरिया के जांच

पूर्व मंत्री दयालदास बघेल थाना म दिहीस धरना
बेमेतरा म पूर्व कैबिनेट मंत्री दयालदास बघेल थाना म दिहीस धरना, पुलिस उपर बल पूर्वक बेटा ल गिरफ्तार करे के लगाईस आरोप, सैकड़ो के संख्या म मुख्यमंत्री के कार्यक्रम के पहली भाजपा कार्यकर्ता मन घर ले करे रहीन गिरफ्तार, पूर्व मंत्री ह पुलिस प्रशासन उपर लगाईस गंभीर आरोप

पईसा दुगना करे के झांसा देके चार करोड़ के फ्रॉड
पीएसीएल बीमा कंपनी म पईसा दुगना करे के झांसा देके करोड़ो रुपिया के ठगी करईया पंजाब के पटियाला के डायरेक्टर जोगेंदर टाइगर ल बिलासपुर पुलिस करीस गिरफ्तार, आरोपी कवर्धा जेल म रहीस बंद, जमानत मिलत ही पकड़ीस पुलिस

डॉक्टर ह नशीला दवाई देके करीस रेप
बालोद के सिटी कोतवाली थाना क्षेत्र म एक डॉक्टर ह इलाज के बहाना एक महिला ल नशीला दवाई देके डॉक्टर करत रहीस दुष्कर्म, परिजन ल पता लगे म अस्पताल के बाहिर करीन हंगामा, डॉक्टर शिखर गुप्ता संजीवनी अस्पताल के हे संचालक, अस्पताल होईस सील, डॉक्टर होईस गिरफ्तार

कोयला लोड मालगाड़ी म मिलीस बुजुर्ग के लाश
कोरबा के गेवरा रेलवे स्टेशन के प्लेटफार्म म कोयला लोड मालगाड़ी म एक अधेड़ के मिलीस लाश, रेलवे कर्मी मन के नजर पड़े म कुसमुंडा पुलिस अउ आरपीएफ ल दिहीस सूचना, कुसमुंडा थाना अंतर्गत आदर्श विहार मनगांव निवासी चमरू कुर्मी रहीस मृतक, मालगाड़ी ऊपर चढ़े के दौरान ओएचई तार ले करंट लगे ले होईस मौत

बयान म वार पलटवार
प्रदेश के स्वास्थ्य मंत्री सिंहदेव के चुनाव लड़े के मन नई हे बात म कांग्रेस के वरिष्ठ नेता अउ प्रदेश के गृहमंत्री ह ये बयान म दिहीस अपन प्रतिक्रिया, ताम्रध्वज साहू दु टूक कहीस कोनो के चुनाव नई लड़े ले कांग्रेस ल नई होवय कोई नुकसान, एक व्यक्ति चुनाव नई लड़य तव 10 हो जाथे खड़ा

चोरी के 3 आरोपी गिरफ्तार
राजधानी रायपुर के डीडी नगर इलाका म 3 मकान म चोरी करईया चोर गिरोह के 3 सदस्य ल पुलिस करीस गिरफ्तार, एक अन्य आरोपी के तलाश जारी, आरोपी मूल रूप ले पश्चिम बंगाल अउ ओडिशा के हे रहईया, आरोपी मन दिन म बर्तन बेचे के दौरान घर मन के रेकी कर रात म चोरी के घटना ल देवय अंजाम

पुल ले 20 फीट नीचे नाला म गिरीस स्कॉर्पियो
कोरबा बालको थाना क्षेत्र के अजगरबहार तीर तेज रफ्तार स्कॉर्पियो अनियंत्रित होके नाला म गिरीस, हादसा म गाड़ी म सवार 8 युवक गंभीर रूप ले हे घायल, सबो दोस्त जांजगीर-चांपा जिला के खोकसा गांव के हे रहईया, पिकनिक मनाय बर जावत रहीन सतरेंगा

बस्तर म नक्सली मन के उत्पात
बस्तर के सुकमा अउ नारायणपुर म माओवादी मन मचात हे उत्पात, सुकमा म JCB वाहन म लगाईस आगी, मुंशी अउ JCB ऑपरेटर के करीस बेरहमी ले पिटाई, नारायणपुर के एक गांव म भारी संख्या म बैनर पोस्टर चस्पा म सरपंच, उपसरपंच अउ वार्ड पंच मन ल जान से मारे के दिहीस धमकी, हालांकि दुनों जिला म सुरक्षा बल लगातार करत हे सर्च ऑपरेशन

व्यापारी के सून्ना मकान ले 12 लाख के चोरी
बिलासपुर के तोरवा धान मंडी रोड तीर रहईया दिनेश जोतवानी लाइट डेकोरेशन के हे व्यवसायी, भतीजा के शादी म गए व्यवसायी के सून्ना मकान ल चोर मन बनाईस निशाना, ताला तोड़के घर म घुसके चोर मन करीब 8 लाख रुपए अउ गहना, कपड़ा के संग 12 लाख के ले उडीन माल, देर रात रिश्तेदार जब सोय बार आईन तब चोरी के चलीस पता