छत्तीसगढ़ के आज के खबर बर कल के इंतजार काबर…त पढ़व आज दिनभर के छत्तीसगढ़ के हर छोटे बड़े खबर फटाफट अऊ रहव अप टू डेट

चौपाटी विवाद, निगम अऊ कलेक्टर ल नोटिस जारी
राजधानी रायपुर के साईंस कालेज मैदान म चलत भाजपा के अनिश्चितकालीन हड़ताल के बीच बिलासपुर हाईकोर्ट ह रायपुर स्मार्ट सिटी लिमिटेड अऊ कलेक्टर ल एला लेके नोटिस करे हे बता दिन कि पूर्व मंत्री राजेश मूणत ह हाईकोर्ट म एला लेके जनहित याचिका लगाए रहिस,आगमी सोमवार को मामला के सुनवाई हाईकोर्ट म होही , धरना म बईठे राजेश मूणत मास्टर प्लान के उल्लंघन के आरोप लगा पाछू कई दिन से अनिश्चितकालीन धरना म बईठे हुए हे

45 हजार संविदा कर्मचारी करही काम बंद
छत्तीसगढ़ के संविदा कर्मचारी मन हड़ताल के करीन ऐलान, रायपुर म होय प्रांतीय स्तर के बईठक के बाद लिहीन फैसला, 16 जनवरी ले लेके 20 तारीख तक प्रदेश के हर सरकारी विभाग म संविदा कर्मचारी करही हड़ताल, नियमितीकरण के हे मांग

चोर गिरोह म गैंगवार, 2 के हत्या
भिलाई के इंडस्ट्रियल एरिया म बीते रात कबाड़ बेचे अउ चोरी करईया दु गुट के बीच जमके होईस मारपीट, एक गुट ह हॉकी स्टीक, रॉड अउ धारदार हथियार ले करीस जानलेवा हमला, जेमा दु लोगन के होईस मौत, दुर्ग पुलिस ह 15 लोगन ल लिहीस हिरासत म

बेकाबू ट्रक ह युवक के लिहीस जान
कवर्धा के जोराताल चौक तीर देर रात ट्रक ह बाइक ल मारीस जोरदार टक्कर, हादसा म बाइक सवार के मौका म होईस मौत, चक्का म घुसे बाइक सवार के शव के होईस तीन टुकड़ा, बाइक के नंबर के अनुसार अजय कुमार यादव हो सकत हे युवक

संदिग्ध घूमत दू युवक निकलीन चोर
जांजगीर म बाइक चाेरी करईया दु आरोपी ल पुलिस करीस गिरफ्तार, चोरी के दु बाइक भी जब्त, कोटमी सोनार रेलवे स्टेशन के आसपास संदिग्ध रूप ले घूमत रहीस दु युवक, अकलतरा पुलिस संदेही युवक बिलासपुर के जयरामनगर निवासी संदीप देवदत्त अउ कृष्ण कुमार ल करीस गिरफ्तार

रेप करईया रेलकर्मी गिरफ्तार
बिलासपुर तोरवा थाना क्षेत्र म मंगेतर ले रेप करईया रेलकर्मी युवक ल पुलिस करीस गिरफ्तार, युवक अउ युवती के तीन साल पहली होय रहीस सगाई, कोरोना के कारन टलीस शादी, मंगेतर ले दोस्ती कर युवक करीस रेप, फेर युवक राकेश यादव शादि ले करीस ईनकार

रायपुर के तालाब म गिरीस कार, 2 के मौत
रायपुर के खमतराई इलाका के गोंदवारा स्थित तालाब म कार डूबे ले दु युवक के होईस मौत, कार के पानी म डुबे ले गाड़ी ले निकल नई पाईन युवक, दुनो युवक गोंदवारा निवासी प्रवीण सिंह, भूषण ध्रुव, के रुप म होईस पहिचान

ट्रांसफार्मर शिफ्टिंग के दौरान झुलसीस युवक
गरियाबंद के नेशनल हाइवे म देवभोग अस्पताल के बिजली तार, खंभा अउ ट्रांसफार्मर शिफ्टिंग म हाइवे अथॉरिटी के कती ले बिजली फिटिंग के एक गैंग करत रहीस काम, जोरदार स्पार्किंग होय ले काम म लगे कर्मी अग्घन सिंह बुरा तरह ले झुलसीस, देवभोग अस्पताल म कराय गईस भर्ती

धान के अवैध खरीद-फरोख्त के खुलासा
सूरजपुर कलेक्टर इफ्फत आरा के निर्देश म राजस्व, खाद्य अउ मंडी के संयुक्त टीम द्वारा ग्राम हरिपुर म धान कोचिया मन उपर करे गईस छापामार कार्यवाही, जेमा ग्राम हरिपुर म सतीश गुप्ता ले 40 क्विंटल, राजकुमार गुप्ता ले 176 क्विंटल, चंदन गुप्ता ले 120 क्विंटल धान करे गईस जब्त

बीच रोड़ म मनाईस बर्थडे, युवक गिरफ्तार
बिलासपुर के इमलीपारा के बीच रोड म आतिशबाजी कर बर्थडे पार्टी मनईया युवक ल पुलिस करीस गिरफ्तार, आरोपी युवक बीच सड़क पटाखा फोड़के तलवार ले काटीस केक, आरोपी युवक ह अपन नाव बताईस सोहेल खान जेन गेवरा बस्ती थाना कुसमुण्डा जिला कोरबा के हे रहईया

भव्य कलश यात्रा के संग भागवत कथा के शुरुआत
रायपुर के खरोरा रेस्ट हाउस मैदान म आयोजित होवइया आठ दिवसीय संगीतमय भागवत कथा के भव्य कलश यात्रा के संग होइस शुरूआत, ए दौरान हनुमान मंदिर ले बाजा-गाजा अउ झांकी के संग निकाले गय कलश शोभा यात्रा, गांधी चौक, शास्त्री चौक , केसला शिक्षक कॉलोनी होवत कथा पंडाल म आके होइस विसर्जित, ए पहली अवसर रहिस जेमा भागवत कथा के संग भागवत पोथी के जोड़ा के द्वारा स्थापना कर करे गईस पूजा-अर्चना, दुर्ग पंचशील नगर ले पहुंचे पंडित सुरेंद्र कुमार मिश्रा कराइस पूजा अर्चना, पधारे कथावाचक पंडित कथावाचिक किशोरी सुमन मिश्रा ल 8 ले 16 जनवरी तक मंझनिया 1 ले संझा 6 बजे तक कराही कथा के रसपान

चरित्र संदेह म पत्नी के हत्या
कोरबा जिला के बांगो थाना क्षेत्र के खुर्रुभांठा गांव म एक शख्स ह अपने पत्नी के बेरहमी ले करीस हत्या, चरित्र म संदेह कर उतारीस मौत के घाट, हाथ-मुक्का ले करे रहीस महिला के जमके पीटाई, आरोपी पति दुबराज सिंह सारोठिया ल पुलिस करीस गिरफ्तार

50 किलो के IED बम बरामद
नारायणपुर के बीडीएस पार्टी ह निरीक्षण के दौरान गोर्रा ग्राम तीर कच्चा रास्ता के किनारे नक्सली मन द्वारा लगाए 25 किलो के दु टिफिन बम करीस बरामद, सुरक्षा ल ध्यान म रखत मौका म ही आईईडी ल करे गईस नष्ट

राज्य सरकार के कारण नई मिलीस पीएम आवास : साव
राजनांदगांव म प्रदेश पदाधिकारी मन के बईठक लेहे भाजपा प्रदेश अध्यक्ष अरुण साव पहुचीस राजनांदगांव, प्रेस कांफ्रेंस म पीएम आवास ल लेके कांग्रेस सरकार उपर साधिस निशाना, कहीस के प्रदेश के 11 लाख परिवार ल नई मिलीस पीएम आवास, जेकर बर कांग्रेस सरकार हे जिम्मेदार, पीएम आवास योजना ल लेके ग्राम पंचायत मन म जावत हे भाजपा

पुलिस ह ढूंढ निकालीस चोरी, गुम होय 120 मोबाइल
कोंडागांव एसपी दिव्यांग पटेल के आदेश ले साइबर सेल ह अभियान चलाके एक महिना म चोरी अउ गुम होय मोबाइल ल ढूंढ निकलीस पुलिस, पुलिस ह 120 मोबाइल बरामद करके मालिक मन ल करीस वापिस, जेमा महंगा मोबाइल के संग बड़का संख्या म लाखों रुपिया के मोबाइल बरामद

हाथी ह साइकिल सवार ल पटकीस, मौत
जशपुर जिला बागबहार थाना क्षेत्र म लगातार हाथी मन के आतंक हे जारी, हाथी मन के हमला रुके के नई लेवत हे नाव, बीते रात एक दंतैल हाथी ह एक साइकिल सवार युवक ल पटक-पटके उतारीस मौत के घाट, जेकर बाद हाथी ह युवक के शव संग घंटों खेलत रहीस हाथी, मृतक बुधनाथ पैकरा सराईटोला बघपारा के हे निवासी

तांत्रिक के मर्डर के खुलासा
गरियाबंद पुलिस ह गोहरापदर रोड़ म तेतेलपारा तीर पवित्र दौरा के खलिहान म पैरा ले ढके लाश के सुलझाईस गुत्थी, लहूलुहान अउ चोट के कई निशान देख पुलिस ल देखत ही समझ म आईस के मामला हे हत्या के, हालांकि पुलिस ह मामला म 4 आरोपी ल करे हे गिरफ्तार, उहे 1 आरोपी हे फरार, जेकर पुलिस करत हे तलाश

पार्टी करत बेरा दू ग्रुप म वाद विवाद
बलौदाबाजार के सिमगा रॉयल ढाबा म दोस्त मन के संग पार्टी करत बेरा दू गुरूप म वाद विवाद होए ले एक गुरूप के ब्लेड मारे ले एक युवक होइस गंभीर रुप ले घायल, हॉस्पिटल म युवक के चलत हे इलाज, पूरा मामला के सिमगा पुलिस करत हे जांच