दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

छत्तीसगढ़ होईस कोरोना फ्री
छत्तीसगढ़ म कोरोना ल लेके अच्छा खबर, रायपुर म कोरोना के नई हे एक भी एक्टिव केस, पूरा प्रदेश म केवल दुर्ग म हे एक मरीज, जेकर चलत हे इलाज, बाकी राज्य के सबो जिला हे कोरोना फ्री, नई हे एक भी एक्टिव केस

साम्प्रदायिकता भड़कईया उपर NSA लाही सरकार
छत्तीसगढ़ म साम्प्रदायिकता भड़कईया उपर सरकार लाही राष्ट्रीय सुरक्षा कानून, जेकर बर सबो जिला कलेक्टर ल करे गय हे अधिकृत, नारायणपुर म होय साम्प्रदायिक हिंसा के बाद सरकार ल पूरा प्रदेश म अईसन घटना के साजिश के मिले हे इनपुट

बीड़ी पीना परीस भारी, लगीस जुर्माना
बिलासपुर-नागपुर वंदे भारत ट्रेन के बाथरूम अंदर बीड़ी पीना परीस भारी, खाना सप्लाई वाले कंपनी के वेंडर ह बाथरूम के अंदर पीस बीड़ी, ओकर खिलाफ टीटीई ह 1700 रूपिया के लगाईस जुर्माना, कंपनी के खिलाफ भी कार्रवाई के तैयारी

लाल आंतक के खूनी मंसूबा म फिरीस पानी
मोहला-मानपुर म सुरक्षा जवान मन लाल आतंक के खूनी मंसूबा ल करीस फेल, 5 किलोग्राम वजनी बम ल बरामद कर ब्लास्ट करके करीस निष्क्रिय, ग्राम कातुलझोरा रस्ता म नक्सली मन सुरक्षा जवान मन ल नुकसान पहुंचाय बर करे रहीन बम प्लांट

खतम करना होही प्रदर्शन, प्रशासन दिहीस नोटिस
रायपुर के बूढ़ातालाब म अनुकंपा नियुक्ति बर शिक्षक संघ के प्रदर्शनकारी 84 दिन ले लगातार अपन मांग ल लेके करत हे धरना, ये प्रदर्शनकारी मन ल जिला प्रशासन ह जघा खाली करे बर थमाईस नोटिस, नोटिस थमात ही मामला हे गरम

जेसीबी ह बचाईस हाथी के जान
जशपुर के पत्थलगांव रेंज के कछार गांव म एक बार फेर हाथी के दल दिहीस दस्तक, कुछ ग्रामीण 12 हाथी के दल ल खदेड़े के करीस प्रयास, ओही दौरान हाथी कुआं म गिरीस, वन विभाग जेसीबी के मदद ले हाथी ल निकालीस बाहिर

CRPF जवान मन बचाईस महिला के जान
सुकमा के जगरगुंडा के कामाराम म पीएमजीएसवाई सड़क निर्माण के चलत हे काम, 15 किलोमीटर दूरिहा पहुंचविहीन गांव बेड़मा ले ग्रामीण इलाज बर मरीज ल लात रहीन खाट म, सीआरपीएफ जवान देखीन त फौरन गाड़ी के व्यवस्था कर पहुचाईस जगरगुंडा स्वास्थ्य केंद्र

शराब म कीटनाशक मिलाके पिहीस युवक, मौत
कोरबा जिला के करतला म एक व्यक्ति ह जहर खाके करीस आत्महत्या, मृतक बृजलाल पत्नी के मौत के बाद चल दिये रहीस अवसाद म, जहर खाय के बाद पहुचाय गईस जिला अस्पताल, इलाज के दौरान तोडी़स दम

गांव म होईस नशाबंदी के शुरुआत
पुलिस अधीक्षक कोरबा संतोष सिंह द्वारा अवैध नशा के विरुद्ध चलाए जावत निजात अभियान के दिखीस असर, थाना बालकोनगर क्षेत्र के ग्राम बाघमारा के दस ग्रामीण नशा मुक्त जीवन के करीस शुरुआत

पत्नी ले झगड़ा होय म हाईटेंशन टावर म चढ़ीस पति
कोरबा एसपी संतोष सिंह ह एक वीडियो करीस शेयर, वीडियो म एक युवक हाई-टेंशन खम्भा म हे चढ़े, एसपी ह बताईस के पत्नी ले झगड़ा करे के बाद ये व्यक्ति हाई-टेंशन इलेक्ट्रिक टावर म चढ़ीस, पुलिस द्वारा घंटों मशक्कत के बाद बहला-फुसलाके उतारे गईस नीचे

रिलेशनशिप म रहत महिला लगाईस रेप के आरोप
जशपुर के नारायणपुर थाना क्षेत्र म रेप के अनोखा मामला आईस आघु, 2 बच्चा के मां ह उनकरे पिता के विरुद्ध शादी के झांसा देके कई साल तक दुष्कर्म करे के लगाईस आरोप, आरोपी ग्राम पंचायत के रोजगार सहायक दोनातियुस बताय जावत हे नाव, आरोपी ल नारायणपुर थाना पुलिस लिहीस हिरासत म

नेता प्रतिपक्ष ह दीस आत्मदाह करे के चेतावनी
चिरमिरी म नेता प्रतिपक्ष ह जिला कलेक्टर के नाव आत्मदाह के सउपीस ज्ञापन, उनकर कहना हे के आजादी के 75 साल बाद भी अब तक वार्ड म नई पहुचत हे मूलभूत सुविधा, कहीस के अगर कलेक्टर उहां पहुंचके स्थिति ले नई होही अवगत त करही आत्मदाह

मादा भालू अउ ओकर 2 शावक पहुंचीन गांव
गौरेला-पेंड्रा-मरवाही म एक बार फेर शहरी सीमा ले सटे गांव म भालु आय के आईस मामला, पेंड्रा ले सटे बचरवार गांव म मादा भालू अउ 2 शावक जंगल ले भटकके ईहा पहुंचीन, बंटीबहेरा कती भागत रहीन तभे बारी म काम करत लेखन राठौर उपर करीन हमला, घायल ग्रामीण के अस्पताल म जारी हे इलाज

91.15 लाख मीट्रिक टन धान के खरीदी
छत्तीसगढ़ म धान खरीदी निरंतर हे जारी, 1 नवंबर ले शुरू होय धान खरीदी 31 जनवरी तक चलही, खाद्य विभाग बताईस के प्रदेश म समर्थन मूल्य म किसान ले 10 जनवरी तक 91.15 लाख मीट्रिक टन धान के होईस खरीदी, धान खरीदी के एवज म 21.17 लाख किसान ल 18,766 करोड़ रूपिया के हो चुके हे भुगतान

प्रेमिका के ‘भूत’ ले खुलीस कत्ल के राज
कोरबा म एक जुर्म के अजीबो गरीब सच आईस सामने, भूत ह कातिल ल लाईस सामने, प्रेमिका के भूत ह हत्यारा ल सच कबूले म करीस मजबूर, ढेलावाडीह के सागौन नर्सरी के सिरपिटी म प्रेमी ह प्रेमिका के हत्या कर शव ल कर दिये रहीस दफन, मृतिका के कंकाल के जेसीबी के मदद ले करीस तलाश, आरोपी प्रेमी गोपाल खड़िया ह प्रेमिका अंजू यादव ल उतारे रहीस मौत के घाट

होही शहीद मन के परिजन के सम्मान
स्वामी विवेकानन्द जयंती म कल नरगोड़ा म होही क्षेत्र के शहीद परिजन के सम्मान , लोगन मन म देखही देशभक्ति के जज़्बा , लोगन के जीवन बचाए बर चलहि विशाल रक्तदान शिविर , मुख्य अतिथि के रूप म भारतीय थल सेना के रिटायर्ड कर्नल आशीष पांडेय होही शामिल , अतिविशिष्ट आतिथ्य म छग शासन मछुआ कल्याण बोर्ड के उपाध्यक्ष राजेंद्र धीवर अउ जिला पंचायत सदस्य नूरी दिलेन्द्र कौशिल रईही मौजूद, आयोजन समिति के तैयारी होइस पूरा

विभागीय प्रक्रिया के तहत मिलीस पदोन्नति
बिलासपुर के मस्तूरी विकासखंड म एबीईओ के पद म पदस्थ भूपेंद्र कौशिक ल विभागीय प्रक्रिया के तहत मिले हे पदोन्नति, पदोन्नत होके बिलासपुर सहायक संचालक के पद म देहे गईस नियुक्ति, सहायक संचालक बने के बाद एबीईओ संगठन ह शिक्षा संभाग बिलासपुर म बुके अउ गुलदस्ता देके मुंह मीठा करावत करिस आत्मीय अभिनन्दन , मौका म एबीईओ शिवराम टंडन , आर पी एक्का सहित संगठन के सब्बो एबीईओ मन रहिन मौजूद.

दिव्यांग मन बर सिलाई प्रशिक्षण के शुरुआत
एनटीपीसी सीपत ह नैगम सामाजिक दायित्व के तहत दिव्यांग मन बर सिलाई प्रशिक्षण के करिस शुरुआत , संगवारी महिला समिति के अध्यक्षा सरोज प्रजापति ह फीता काटके सेंटर के करिस शुभारंभ , दिव्यांग मन ल स्वरोजगार के दिशा म बढ़ावा देके आत्मनिर्भर बनाना हे एनटीपीसी के उद्देश्य , विशेष रूप से प्रशिक्षित दिव्यांग मन ल स्वरोजगार बर जागरूक कर समाज के मुख्यधारा ले जोड़ेके मिलहि मौका , 36 प्रभावित गांव के 20 दिव्यांग मन होही प्रशिक्षित, प्रशिक्षण के बाद दिव्यांग मन ल सीएसआर टीम ह प्रमाण पत्र , टेलरिंग कीट के करही वितरण , मौका म संगवारी महिला समिति अउ सीएसआर विभाग के सब्बो वरिष्ठ पदाधिकारी मन रहिन मौजूद.

🆅🅸🅳🅴🅾 भाजपा धर्मांतरण के नाम पर कर रही है हल्ला, समाज म जहर कैसे घोला जाए यह भाजपा का काम – सीएम