ए दे काम धाम के चक्कर म छुट गए न छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

पुल निर्माण के विरोध म 11 गांव खाली
बीजापुर म इंद्रावती नदी म पुल निर्माण के चलत हे काम, पुल निर्माण काम के विरोध करे नदी पार के 11 ले ज्यादा गांव के ग्रामीण राशन, बर्तन लेके पहुचीन फुंडरी गांव, 7 सूत्रीय मांग ल लेके गांव वाल मन के प्रदर्शन जारी

तेज रफ्तार पिकअप वैन पलटीस
रायगढ़ जिला के पुसौर ब्लॉक म एक तेज रफ्तार पिकअप के पलट जाय ले 2 महिला गंभीर रूप ले होईस घायल, उहे कई लोगन ल आईस चोट, घायल मन ल पुसौर के सामुदायिक स्वास्थ्य केंद्र म कराय गईस भर्ती, घटना के बाद पिकअप चालक फरार

PM मोदी CG के लईकन ले करही संवाद
गौरेला-पेंड्रा-मरवाही जिला के कोटा विधानसभा क्षेत्र के मां कल्याणिका पब्लिक स्कूल अउ DAV स्कूल के छात्र ले आगामी रविवार के प्रधानमंत्री नरेंद्र मोदी करही संवाद, ‘मन की बात’ कार्यक्रम के तहत पीएम मोदी वीडियो कॉन्फ्रेंसिंग के माध्यम ले करही बात

20 किलो के टिफिन बम बरामद
नवीन जिला मानपुर-मोहला-अंबागढ़ चौकी के ग्राम गट्टेगहन म 20 किलो के टिफिन बम, सुरक्षा बल के जवान मन करीस बरामद, कोहका थाना क्षेत्र म सुरक्षाबल ल नुकसान पहुंचाय बर बम करे गय रहीस प्लांट, जेला बरामद कर करे गईस डिफ्यूज

आरक्षण बिल म जल्द हस्ताक्षर करे के मांग
छत्तीसगढ़ सर्व आदिवासी समाज सोहन पोटाई गुट ह गुरुवार के राज्यपाल अनुसुईया उइके ले करीस मुलाकात, राज्यपाल ले लंबित आरक्षण विधेयक उपर होईस बात, प्रतिनिधी मन ज्ञापन सौंपके राज्यपाल कती ले 10 म ले आठ सवाल के दिहीस जवाब, राज्यपाल ले आरक्षण विधेयक उपर जल्द हस्ताक्षर करे के करीस मांग

अरुण साव के काफिला के पलटीस गाड़ी
भाजपा प्रदेश अध्यक्ष अरुण साव के काफिला म लगे पायलट गाड़ी सरगुजा म होईस हादसा के शिकार, उदयपुर के खरफरी नाला तीर होय हादसा म सवार एक प्रधान आरक्षक के होईस मौत, 3 लोगन हे घायल

बीएसपी क्वार्टर म मिलीस सड़े-गले लाश
बालोद के दल्ली राजहरा निर्मला सेक्टर स्थित बीएसपी क्वार्टर म अकेल्ला रहईया कर्मचारी नंदा चिन्ना रायडू के पलंग म पड़े मिलीस लाश, दु ले तीन दिन पहली मौत होय के आशंका, पुलिस ह मामला के जांच म जुटीस

फंदा म लटके मिलीस फाइनल ईयर के स्टूडेंट
दुर्ग जिला के पुरानी भिलाई थाना क्षेत्र के विश्वबैंक कॉलोनी म बीएससी फाइनल ईयर म पढ़ईया छात्रा ह करीस खुदकुशी, पुलिस ल कमरा ले एक कॉपी म मिलीस सुसाइड नोट, पिता के मौत के बाद युवती ह डिप्रेशन म आके करीस खुदकुशी, पूछताछ म ओकर नाव बताय जावत हे पूजा बघेल

डिपो म खड़े-खड़े खराब होवत हे सिटी बस
बिलासपुर म कोरोना काल के बाद बंद होय सिटी बस सुविधा बर तरसत हे लोगन, नगर निगम ह दिसंबर म 12 रूट म बस के परिचालन शुरू करे के करे रहीस दावा, अभी सिर्फ सात रूट म चलथे सिटी बस, डिपो म खड़े-खड़े बस के हालत हो गईस कंडम

चोरी के कबाड़ सहित चार आरोपी गिरफ्तार
दुर्ग जिला के सबसे बड़े चावल तस्कर अउ चोरी के कबाड़ बेचईया आरोपी भिलाई तीन पुलिस के चंगुल ले भागीस, पुलिस ह मौका ले 6 टन लोहा अउ वाहन सहित 4 आरोपी ल करीस गिरफ्तार, मुख्य आरोपी अउ चावल तस्कर शिव शर्मा पुलिस के चंगुल ले बुलेट छोड़के होईस फरार

22 साल बाद नक्सलगढ़ म दउड़ीस बस
दंतेवाड़ा जिला मुख्यालय ले सुकमा के जगरगुंडा तक 22 साल बाद यात्री मन ल मिलीस बस के सुविधा, बस चले ले नक्सल प्रभावित इलाका के ग्रामीण मन के संपर्क जिला अउ ब्लॉक मुख्यालय ले जुड़ीस, फिलहाल प्रशासन ह ईहां एक ही बस करे हे शुरू

6 लाख के ठगी, 3 आरोपी गिरफ्तार
सरगुजा जिला के सीतापुर थाना क्षेत्र म बिजली विभाग के रिटायर्ड कर्मचारी ल डरा-धमकाके 6 लाख के ठगी करईया तीन आरोपी ल पुलिस करीस गिरफ्तार, पुलिस ह आरोपी मन तीर ले नगदी समेत ठगी के पईसा ले खरीदे बाइक अउ मोबाईल करीस बरामद

चौक के नाव बदले म भड़कीन शहरवासी
धमतरी शहर के महंत घासीदास वॉर्ड के एक चौक के नाम निगम ह शहीद हेमू कॉलोनी के नाव म करीस, जेकर ले वॉर्डवासी होईन नाराज, लोगन निगम के करीस घेराव, बाजा-गाजा के संग करीन प्रदर्शन, जेन चौक के नाम बदले गय हे, ओला कालिका चौक के नाम से जाने जात रहीस

संविदा कर्मचारी मन के राजधानी म हल्ला बोल
नियमितिकरण नई होय ले नाराज प्रदेश के 45 हजार संविदा कर्मचारी मन राजधानी म सरकार के खिलाफ बोलीस हल्ला, 5 दिवसीय हड़ताल म सरकार के खिलाफ व्यंगात्मक प्रदर्शन बर मीडिया जगत म सुरखी बटोरे के संग राजनीतिक गलियारा म हलचल मचाय म संविदा कर्मचारी होईन सफल, प्रदर्शन के आखरी दिन महापुरुष मन के अउ छत्तीसगढ़ के पारंपरिक वेशभूषा, लोक नृत्य के संग हाथ म तिरंगा लेके अपन मांग ल पूरा करे 26 जनवरी तक सरकार ल दिहीस अल्टीमेटम

अवैध रेत खनन म कार्रवाई
बलौदाबाजार-भाटापारा जिला के पलारी म जिला प्रशासन ह अवैध रेत खनन अउ परिवहन म करीस बड़े कार्रवाई, मलपुरी रेत घाट पहुंचे तहसीलदार ह एक चेन माउंटेन मशीन अु दु हाईवा ल करीस जब्त, तहसीलदार ल आवत देख ड्राइवर 20 खाली हाईवा लेके रेत घाट ले होईस फरार

करेंट लगे ले महिला के मौत
रायगढ़ जिला के खरसिया थाना क्षेत्र के ग्राम गुर्दा म जंगली सुअर बर बिछाए करेंट के चपेट म आके एक महिला के मौका म होईस मौत, घटना के जानकारी मिलत ही पुलिस मौका म पहुंचीस अउ शव ल भेजीस पोस्टमॉर्टम बर, महिला बसंती सिदार लकड़ी लेहे गय रहीस जंगल, तभे होईस घटना

युवक ल कुचलीस ट्रक, होईस मौत
बालोद शहर म होय सड़क हादसा म एक व्यक्ति के होईस मौत, संजय गावड़े पेट्रोल पंप तीर मोटरसाइकिल तीर खड़े होके अपन साथी के करत रहीस इंतजार, तभे दल्लीराजहरा कती ले आवत एक तेज रफ्तार ट्रक ह कुचलीस

अवैध रेत उत्खनन म शिकंजा
जांजगीर-चांपा के पामगढ़ जनपद पंचायत के कमरीद गांव म जिला प्रशासन ह अवैध रेत उत्खनन करईया के खिलाफ कसीस शिकंजा, इलाका म लंबा समय ले चलत रहीस अवैध कारोबार, जेकर बाद लोगन अब ईमन ल घेरीस, अउ प्रशासन ल दिस सूचना, फेर प्रशासन के टीम ह 16 ट्रैक्टर, 6 हाईवा अउ चैन माउंटेन मशीन ल करीस जब्त

कैप्सूल वाहन अउ ट्रैक्टर म भिड़ंत
जांजगीर-चाम्पा जिला के पामगढ़ थाना क्षेत्र के हिर्री मोड़ तीर कैप्सूल वाहन अउ ट्रैक्टर म होईस जबरदस्त भिड़ंत, जेकर ले ट्रैक्टर के होईस कई टुकड़ा, ट्रैक्टर ड्राइवर ह सूझबूझ देखात कूदके बचाईस अपन जान, ट्रैक्टर म भराय ईंटा ल खाली कराय जावत रहीस ड्राइवर

गिरौदपूरी मेला ल लेके तैयारी शुरु
विश्वप्रसिद्ध गिरौद पूरी मेला के तैयारी ल लेके जिला पंचायत सभाकक्ष म होइस बैठक, गुरुगद्दीनशीन विजय गुरु, जगत गुरु रूद्र कुमार अउ कौशल माता सहित सामाजिक महंत अउ सदस्य मन होइन शामिल, फागुन महिना के शुक्ल पक्ष के पंचमी शष्ठमी अउ सप्तमी म दिनांक 24-25अउ 26 फ़रवरी के होही भव्य मेला के आयोजन, मंत्री रूद्र गुरु शांतिपूर्ण अउ सफल आयोजन बर जिला प्रशासन ल दिहिस उचित दिशा निर्देश