दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

निर्मला के निर्मम बजट – सीएम बघेल

केंद्रीय बजट को लेके सीएम भूपेश बघेल दिहिस अपन प्रतिक्रिया, बजट ल बताईस निराशाजनक कहिसस बजट म छत्तीसगढ़ बर नई रखे गए हे कुछु कहीं

प्रधान पाठक के कारनामा
बलौदाबाजार कसडोल के ग्राम देवरूंग प्राथमिक शाला म पदस्थ हेडमास्टर समीर कुमार मिश्रा के आईस कारनामा, खुद घर म करत हे आराम, अपन जघा 4 हजार महीना म एक शिक्षिका रखके करात हे पढ़ाई, लंबा समय ले चलत हे ए खेल, जिम्मेदार हे अनजान।

सड़क हादसा म 2 दोस्त के दर्दनाक मौत
दुर्ग के अंडा थाना ले कुछ दूरिहा अंधा मोड़ म ट्रक म जा घुसिस तेज रफ्तार बाइक, बाइक सवार 2 दोस्त के होईस दर्दनाक मौत, गुंडरदेही थाना क्षेत्र के सिरसिदा गांव निवासी दूनों युवक दारू पाटी के बाद जावत रहिन घर।
ब्रेकअप के बाद प्रेमिका उपर रॉड ले हमला
दुर्ग म ब्रेकअप ले नाराज युवक ह दोस्त संग मिलके अपन प्रेमिका ऊपर रॉड ले करिस जानलेवा हमला, युवती के हालत हे गंभीर, अखरोड़ी शिवपुरी निवासी आरोपी करण देवांगन ल पुलिस करिस गिरफ्तार, एक के तलाश हे जारी।

ट्रेन के चपेट म आके नाबालिग के मौत
जांजगीर-चांपा के नैला चौकी क्षेत्र म ट्रेन के चपेट म आके नाबालिग लड़की के होईस मौत, मंदिर जाए बर रेलवे ट्रैक पार करत बेरा खैरा रोड नैला निवासी नाबालिग के नहरिया बाबा मंदिर कना लिंक एक्सप्रेस के चपेट म आके गईस जान।

फार्म हाउस म घुसके तेंदुआ करिस शिकार
बालोद के गुरुर वन परिक्षेत्र अंतर्गत सोनईडोंगरी गांव के एक निजी फार्म हाउस म घुसके तेंदुआ ह कुत्ता के लईका ल बनाईस अपन शिकार, पूरा घटना cctv कैमरा म होईस कैद, वीडियो सोशल मीडिया म तेजी ले होवत हे वायरल।

बिलासपुर के रेल यात्री मन ल राहत
बिलासपुर के रेल यात्री मन बर राहत के खबर, रेलवे बोर्ड ह नर्मदा, रीवा अउ इतवारी एक्सप्रेस के 4 स्टेशन म स्टॉपेज देहे के लिहिस फैसला, अब करगीरोड, बेलगहना अउ बिल्हा म यात्री मन ल मिलही सुविधा।

ट्रेलर के चपेट म आके महिला के मौत
कोरबा उरगा थाना क्षेत्र के मुख्य मार्ग म ट्रेलर के चपेट म आईस स्कूटी सवार दंपत्ति, हादसा म पत्नी के मौका म होईस मौत, उहें गंभीर रूप से घायल पति अस्पताल म हे भर्ती, पुलिस टीम हादसा के करत हे जांच।

डीजल चोरी करईया 4 शातिर गिरफ्तार
खडे़ गाड़ी ले डीजल चोरी करईया संगठित गिरोह के 4 शातिर सदस्य ल जिला जांजगीर चांपा ले बलौदाबाजार-भाटापारा पुलिस करिस गिरफ्तार, आरोपी मन कना ले 110 लीटर डीजल अउ बोलेरो जब्त।

प्रताड़ना के आरोप म पति गिरफ्तार
बिलासपुर चकरभाठा थाना क्षेत्र म महिला के फांसी लगाके आत्महत्या करे के केस म प्रताड़ना के आरोप म पति नागेंद्र यादव ल पुलिस करिस गिरफ्तार, शादी के 3 साल बाद शारीरिक सुख नई मिले के सुसाइड नोट म महिला ह लिखे हे बात, तंग आके कर लेहे रहिस आत्महत्या।

NRI पति के विधायकी छोड़े के अपील
कोरिया के बैकुंठपुर विधायक अउ संसदीय सचिव अंबिका सिंहदेव के पति अमिताभ कुमार घोष ह सोशल मीडिया म अपन पत्नी ले राजनीति छोड़े के करे हे अपील, विधायक पत्नी के पीए भूपेंद्र सिंह अउ विनय जायसवाल ले ए काम म सहयोग के करे हे आग्रह, सोशल मीडिया म पोस्ट होवत हे वायरल।

संकुल समन्वयक ल कारण बताओ नोटिस
मनेन्द्रगढ़-चिरमिरी-भरतपुर कलेक्टर पी.एस. ध्रुव ह प्राथमिक शाला श्रीरामपुर ल समय ले पहिली बंद पाए जाए म संकुल समन्वयक भारत भूषणकांत ल कारण बताओ नोटिस जारी करे के साथ शाला म पदस्थ दूनों शिक्षक के एक दिन के वेतन काटे जाए के करिस कार्रवाई।

भालु मन 13 साल के नोनी उपर करिस हमला
धमतरी सीतानदी उदंती टाइगर रिजर्व के अरसीकन्हार रेंज के ठोठाझरिया म 2 भालू मन एक नाबालिग लड़की उपर करिस हमला, 13 साल के कंचन पिता संग लकड़ी लाए गए रहिस जंगल, भालु मन सिर के पाछू हिस्सा ल बुरा तरह नोच के करिस घायल, गंभीर हालत म अस्पताल म कराए गईस भर्ती।

शिक्षिका ह माचिस तीली ले छात्र के जलाईस गर्दन
गरियाबंद मैनपुर ब्लॉक के लधवापारा प्राथमिक स्कूल म कम बात करईया कक्षा 5वीं के छात्र ल शिक्षिका ह गर्दन म जलत माचिस के दागिस तीली, परिजन के शिकायत म बीईओ ह शिक्षिका सविता जोशी ल थमाईस शोकॉज नोटिस।

CG म एक करोड़ 66 लाख के धोखाधड़ी
रायपुर कल्पवृक्ष प्रोजेक्ट म पार्टनर ल धोखा देके अपने प्रोजेक्ट के जमीन ल फर्जी तरीका ले बेचके फरार आरोपी ल पुलिस करिस गिरफ्तार, मुजगहन स्थित कल्पवृक्ष प्रोजेक्ट के मालिक विजय नागपुरे ह चोरी-छिपे दस्तावेज तईयार कर करीब 1 करोड़ 66 लाख ले जादा के जमीन ल बेच पार्टनर ले करे रहिस धोखाधड़ी।

सुरक्षा गार्ड ह ट्रेन ले कटके करिस खुदकुशी
कोरबा म चांपा कना मंगलवार देर रात एक युवक ह ट्रेन ले कटके करिस खुदकुशी, बिलासपुर निवासी युवक मोहम्मद साहिल कोरबा के ऑयल कंपनी म सुरक्षा गार्ड के करत रहिस काम, युवक तीर ले मिले सुसाइड नोट म ससुरालवाला मन ल बताए हे अपन मौत के जिम्मेदार।