दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

🅾 कैबिनेट के बैठक म कई बड़का फैसला
मुख्यमंत्री भूपेश बघेल की अध्यक्षता म होए कैबिनेट के बैठक म बेरोजगार मन के हित म लेहे गईस बड़का फैसला , प्रदेश के बेरोजगार युवा मन ल बेरोजगारी भत्ता प्रदान करे के लेहे गईस महत्वपूर्ण निर्णय, अविवाहित महिला अऊ पुरूष मन ल भी आवास योजना के मिलही लाभ, एकर आलावा कैबिनेट बैठक में लिए गए कई महत्वपूर्ण निर्णय

🅾 कई कांग्रेस नेताओं के ठिकानों पर ईडी का छापा
कांग्रेस के राष्ट्रीय अधिवेशन के पहली ईडी ह राज्य के कई कांग्रेस नेता के ठिकाना मन म छापा मारे हे, कोल मामला म ईडी के कार्रवाई लगातार हे जारी, प्रदेश कांग्रेस कमेटी के कोषाध्यक्ष रामगोपाल अग्रवाल, श्रम कल्याण मंडल अध्यक्ष सुशील सन्नी अग्रवाल, विधायक देवेंद्र यादव, प्रवक्ता आरपी सिंह, विनोद तिवारी के ठिकाना मन चलत हे ईडी के कार्रवाई

🅾 छत्तीसगढ़ म ED के रेड से गरमाईस सियासत
ED ह ताबड़तोड़ करीब 2 विधायक समेत आधा दर्जन नेता के घर म छापा मारे हे , प्रेस कॉन्फ्रेंस कर सीएम भूपेश बघेल ह केंद्र सरकार उपर जमकर साधिश निशाना, कहिस कि राहुल गांधी के पदयात्रा से घबराई हे BJP अऊ केंद्र सरकार, सीएम कहिस की ये कांग्रेस पार्टी है, अंग्रेजों से नई डरीस त इमन से का डरही…

🅾 ईडी के छापा के बाद बाद चढ़िस राजनीतिक पारा
छत्तीसगढ़ म ईडी छापा के बाद गरमाईस सियासत, पंकज शर्मा के संग सैकड़ों कांग्रेस के कार्यकर्ता, कांग्रेस नेता सन्नी अग्रवाल के घर के बाहिर, तो वहीं महापौर एजाज ढेबर बड़े संख्या म कांग्रेस कार्यकर्ता के संग कांग्रेस नेता राम गोपाल अग्रवाल के घर के बाहिर, त विधायक सत्यनारायण शर्मा अऊ विकास उपाध्याय आरपी सिंह अऊ विनोद तिवारी के घर पहुंचके ईडी के खिलाफ जमके करिन नारेबाजी. उंहे ED दफ्तर के बाहिर कांग्रेस नेता अऊ कार्यकर्ता मोदी-अडानी के मुखौटेा पहिने आईन नजर

🅾 ED रेड के बाद CM ह पूर्व CM उपर साधिस निशाना
ED के रेड के बाद सीएम भूपेश बघेल ह पूर्व सीएम रमन सिंह उपर निशाना साधत हुए कहिस कि ED के प्रेस रिलीज़ से पहली रमन सिंह प्रेस रिलीज़ जारी कर देथे…का.. रमन सिंह ईडी के प्रवक्ता हे ? रमन सिंह जब मुख्यमंत्री रहिस , तब उंकरे अधिकारी मन कहय कि नान घोटाला के पैसा ओ डोमेन म गईस, जिहां जांच नहीं करे जा सकय…. आख़िर तब पैसा कहां गईस. का नागपुर गईस पईसा ? दिल्ली गईस ? या फिर सीएम हाउस गईस

🅾 बीजेपी कोनो स्तर तक गिर सकत हे – कुमारी सैलजा
प्रदेश प्रभारी कुमारी शैलजा कहिस कि आज अडानी जईसन लोगन उपर रेड करे के जरूरत हे । आडानी ह दुनिया म भारत ल नीचा दिखाए के काम करिस । हर दिन कांग्रेस सवाल पूछत हे फेर केंद्र सरकार कना कोनो जवाब नई हे । अईसन दमनकारी सरकार के खिलाफ हम पूरा ताकत से लड़बों। हमर आधा दर्जन साथी मन उपर रेड होए हे । हमर कोनो भी साथी मन उपर कार्रवाई करय फेर हम पीछे नई हटने वाला

🅾 ईडी के संग कांग्रेसी नेता मन के होईस बहस
ईडी के कार्रवाई से एक तरफ प्रदेश कांग्रेस के नेता सकते म हे । उंहे हाउसिंग बोर्ड के डायरेक्टर विनोद तिवारी के घर छापा के दौरान ओकर मां के तबीयत बिगड़ गईस। उंकर स्वास्थ्य ल लेके कांग्रेस नेता के ईडी के अधिकारी मन संग होइस बहस

🅾 2 जवानों की नक्सलियों ने की हत्या
राजनांदगांव बोरतलाब थाना क्षेत्र में नक्सलियों ने की कायराना हरकत, चेक पॉइंट पर ड्यूटी में तैनात जवानों पर कर दी फायरिंग. जिससे दो जवानों की मौके पर ही हुई मौत, घटना के बाद भाग निकले नक्सली, इसके अलावा नक्सलियों ने जवानों की बाइक को भी किया आग के हवाले।

🅾 नक्सली हमला म 1 जवान शहीद, 1 घायल
राजनांदगांव बोरतलाब थाना क्षेत्र म नक्सली मन एक बार फेर कायराना करतूत ल दिहिन अंजाम, ड्यूटी म तैनात जवान उपर करिन हमला, 1 जवान शहीद, 1 गंभीर रूप से घायल, घटना के बाद नक्सली जंगल कति होईन फरार।

🅾 लिस्टोमानिया बार अउ रेस्टोरेंट म रेड
भिलाई नेहरू नगर के सूर्या मॉल म संचालित शहर के सबले बड़े बार अउ रेस्टोरेंट लिस्टोमानिया म होईस छापामरी, बार के अंदर बड़े मात्रा म मिलिस अवैध होलोग्राम, होलोग्राम लगाके बेचे जावत रहिस शराब, तभो ले नई होवत रहिस कार्रवाई।

🅾 डिवाइडर ले टकराईस बाइक, 1 के मौत, 2 गंभीर
बिलासपुर सीएमडी चौक कना अनियंत्रित होके डिवाइडर ले टकराईस तेज रफ्तार बाइक, एक युवक के होईस मौत, उहें 2 गंभीर हालत म अस्पताल म भर्ती, छट्ठी मनाए आए मुंगेली के युवक शराब पीके निकले रहिन घूमे।

🅾 लाल आतंक लगाईस धमकी भरे पोस्टर बैनर
नारायणपुर के ओरछा मुख्य मार्ग म ग्राम मुंडपाल फरसगांव तीर नक्सली मन लगाईस बैनर-पोस्टर, लिखे हे के जेन भी निको कंपनी के दलाल या शासन-प्रशासन के एजेंट बनके काम करही ओला सागर साहू कस मौत के मिलही सजा

🅾 मेटाडोर पलटे ले 22 लोगन घायल
बिलासपुर बेलगहना चौकी क्षेत्र म तेज रफ्तार मेटाडोर पलटे ले 22 लोगन होईन घायल, गंभीर हालत म 10 अस्पताल म भर्ती, करीब 52 लोगन मेटाडोर म सवार होके मरही माता देवी दर्शन कर लहुटत रहिन जांजगीर।

🅾 कानन जू म तेंदुआ के होईस मौत
बिलासपुर के कानन पेंडारी जूलॉजिकल पार्क म तेंदुआ के होईस मौत, 3 दिन पहिली तखतपुर क्षेत्र के ग्राम बिनौरी म जंगल ले भटक के आए घायल तेंदुआ के करे गए रहिस रेस्क्यू, इन्फेक्शन से गईस जान।

🅾 शराबी शिक्षक ऊपर निलंबन के गाज
जशपुर पत्थलगांव ब्लॉक के प्राथमिक शाला बालमपारा संकुल खारढ़ोड़ी के प्रधानपाठक सखाराम सिदार ल DEO जेके प्रसाद ह करिस निलंबित, शिक्षक के टेबल म शराब अउ चखना रखे के वीडियो होए रहिस वायरल।

🅾 शादी के झांसा देके नाबालिग ले दुष्कर्म
कवर्धा सिटी कोतवाली क्षेत्र म 14 वर्षीय आदिवासी नाबालिग ले दुष्कर्म करईया आरोपी ल पुलिस करिस गिरफ्तार, ग्राम बिठली निवासी नंदकुमार साहू ह नाबालिग ल शादी के झांसा देके करिस दुष्कर्म।

🅾 डिपो म खड़े कबाड़ गाड़ी म लगिस आगी
बेमेतरा जिला म जीवन बस सर्विस के डिपो म खड़े कबाड़ गाड़ी म लगिस आगी, 5 गाड़ी जलके होईस राख़, आगी लगे के कारण हे संदिग्ध।

🅾 पोंड़ी नवागांव म नवधा रामायण के आयोजन
फागुन महीना लगत ही बिलासपुर रतनपुर के चारो दिशा म शुरू होईस आध्यात्मिकता के फुहार, ग्राम पोंड़ी नवागांव म बीते 9 बछर ले होवत आवत हे नवधा रामायण के आयोजन, अहि सेती वो जगह के नाम घलो पड़ गए हे नवधा रामायण चौक, लगभग तीन से चार सौ भजन मंडली मन इहाँ पहुंच के दे चुके हे अपन प्रस्तुति, क्षेत्र के सैकड़ों लोगन ये धार्मिक आयोजन म शामिल होके होवत हे कृतार्थ, नगर अउ ग्रामीण भक्तजन मन तन मन धन ले करत हे सहयोग।

🅾 सीपत म निकलिस भव्य साईं पालकी यात्रा
सांई मंदिर के दसवां स्थापना दिवस के मौका म बैंड बाजा के संग बिलासपुर सीपत म निकलिस भव्य साईं पालकी यात्रा, थाना प्रभारी हरीशचंद्र टांडेकर, जनपद सभापति मेघा भोई दीप प्रज्ववलित कर पालकी यात्रा के करिस शुरुआत, शोभायात्रा के फूल के बरसा अउ आरती उतार के जगह जगह होइस जोरदार स्वागत, जयकारा लगात नाचत थिरकत आस्थावान श्रद्धालु मन म देखे गईस उत्साह, सांई पालकी उठाए बर श्रद्धालु मन करिन अपन जीवन ल कृतार्थ, महाआरती के बाद प्रसाद भंडारा के होइस आयोजन, पूर्व जिला पंचायत सदस्य डॉ सनत मिश्रा सहित गांव के जनप्रतिनिधि अउ गणमान्य मन होइन शामिल.

🅾 मां के आघू बेटा उपर चाकू ले हमला, 1 के मौत
दुर्ग के चंडी मंदिर कना देर रात 2 गुट म जमके होईस चाकूबाजी, आरोपी मन चाकू लेके मां के आघू दूनों बेटा ल मारिन चाकू, 1 के इलाज के दौरान मौत, दूसर के हालत गंभीर, शराब पीए म विवाद के बाद होईस हमला।

🅾 भिलाई स्टील प्लांट म फेर बड़का हादसा
भिलाई स्टील प्लांट म एक बार फेर होईस बड़का हादसा, प्लांट म काम करत बेरा ठेका श्रमिक के होईस मौत, मृतक भवानी तिवारी बीएसपी के मटेरियल रिकवरी डिपार्टमेंट के एमआरडी म करत रहिस काम, जांच म जुटिस भिलाई भट्टी पुलिस।