आज दिनभर कौन सी खबर बनी सुर्खियां, वो हर खबर जो जानना है जरुरी, मात्र 2 मीनट में एक Click में हो जाइए देश दुनिया की खबरों से अप टू डेट
🅾 छत्तीसगढ़ म लगातार कोरोना के कहर
छत्तीसगढ़ म लगातार देखे बर मिलत हे कोरोना के कहर, पाछू 24 घंटा म मिलिस 48 नवा केस, प्रदेश म एक्टिव मरीज के संख्या होईस 190, बिलासपुर म एक मरीज के मौत, रायपुर म सबसे ज्यादा 55 एक्टिव केस।
🅾 कांग्रेस विधायक बैंक कर्मचारी ल जड़िस तमाचा
रामानुजगंज कांग्रेस विधायक बृहस्पत सिंह भीड़ के बीच बैंक कर्मचारी के कॉलर पकड़के जड़िस तमाचा, नाराज कर्मचारी शुरू करिन हड़ताल, बृहस्पत सिंह के खिलाफ कार्रवाई के करत हे मांग, मामला म बीजेपी ह गृहमंत्री ले विधायक बृहस्पत सिंह से इस्तीफा के करिस मांग।
🅾 आप के अध्यक्ष सरकार उपर साधिस निशाना
आप पार्टी के प्रदेश अध्यक्ष कोमल हुपेंडी ह सरकार उपर जमके साधिस निशाना, कहिस माफिया मन ल खतम करे के बजाय नेता खुद करत हे अवैध परिवहन, कसडोल विधायक द्वारा अधिकारी के साथ करे गए दुर्व्यवहार ले आम जन हे आश्चर्यचकित।
🅾 प्रेमी के देहे होम थिएटर ब्लास्ट : दुल्हा के मौत
कवर्धा म होए होम थिएटर ब्लास्ट मामला म होईस कई बड़का खुलासा, दुल्हन से प्रेम प्रसंग के चलत आरोपी ह दूल्हा के घर म रख के गए रहिस बारूद वाला होम थिएटर, बालाघाट के ग्राम छपला निवासी आरोपी सरजू मरकाम ल पुलिस करिस गिरफ्तार।
🅾 साड़ी ले गला दबाके पत्नी के हत्या
बालोद पुरुर थाना क्षेत्र के बोरिदकला गांव म अवैध संबंध ल लेके विवाद होए म पति ह पत्नी के साड़ी ले गला दबाके उतारिस मौत के घाट, पुलिस ह हत्यारा पति सुरेश ढीमर ल गिरफ्तार कर भेजिस जेल।
🅾 दादा-पोता ल रौंदिस ट्रैक्टर, दर्दनाक मौत
कोरबा के सीतामढ़ी राम मंदिर कना मॉर्निंग वॉक म निकले दादा-पोता ल रौंदिस ट्रैक्टर, दूनों के होईस दर्दनाक मौत, लोगन चक्काजाम कर रेती अउ माटी के अवैध उत्खनन अउ परिवहन उपर रोक लगाए के उठाईस मांग।
🅾 20 लाख रूपिया के 1 क्विंटल गांजा जब्त
महासमुंद सिंघोडा पुलिस ह कार्टून भरे ट्रक ले 20 लाख रूपिया के 1 क्विंटल गांजा करिस जब्त, ओड़िशा से गांजा के बड़का खेप ट्रक म लेके महासमुन्द होवत जावत रहिस महाराष्ट्र, पंजाब लुधियाना निवासी आरोपी अमरनाथ मालवे गिरप्तार।
🅾 नारायणपुर म नक्सली मन फेर मचाईस उत्पात
नारायणपुर बेनूर थाना क्षेत्र म नेतानार के पानीगांव म नक्सली मन एक बार फेर मचाईस उत्पात, फॉरेस्ट के प्लांटेशन एरिया म बाउंड्री, पौधा मन ल करिस तबाह, साथ ही पर्चा फेंक वनकर्मी ल जान से मारे के दिहिस धमकी
🅾 अंधड़, बारिश के साथ वज्रपात के संभावना
आज भी प्रदेश के कुछ स्थान म हो सकत हे हल्का बारिश, मौसम विभाग ह अंधड़ चले अउ वज्रपात के जताईस संभावना, द्रोणिका के प्रभाव के कारण प्रदेश म बारिश के बनत हे माहौल।
🅾 जिला पंचायत अध्यक्ष शालिनी यादव के निधन
दुर्ग जिला पंचायत अध्यक्ष शालिनी यादव के होईस निधन, हार्ट अटैक आए ले रायपुर के निजी अस्पताल म चलत रहिस इलाज, स्थिति बेहद गंभीर होए म ग्रीन कॉरिडोर बनाके राजधानी के रामकृष्ण हॉस्पिटल करे गए रहिस रवाना, निधन म मुख्यमंत्री बघेल समेत कई नेता मन जताईस शोक।
🅾 बाइक सवार युवक ल रौंदिस पिकअप, 1 के मौत
कांकेर भानुप्रतापपुर थाना क्षेत्र म अज्ञात पिकअप के चपेट म आईस बाइक सवार युवक, एक के होईस मौत, गंभीर रूप से घायल दूसर युवक ल रायपुर करे गईस रेफर, ग्राम साल्हे ले शादी कार्यक्रम से वापस लहुटत रहिन दूनों युवक।
🅾 डीएसपी के बेटा बताके दिनदहाड़े गुंडागर्दी
राजधानी रायपुर के मौदहापारा थाना क्षेत्र म खुद ल डीएसपी के बेटा बताके दिनदहाड़े गुंडागर्दी करत एक युवक के वीडियो आईस आघू, बाइक चालक अपन आप ल डीएसपी चंद्र प्रकाश तिवारी के लड़का बताके गाली-गलौज करत ऑटो उपर फेंकिस बड़े-बड़े पथरा।
🅾 कांग्रेस विधायक ह राहुल ल बताईस महात्मा गांधी
कांग्रेस के वरिष्ठ नेता सत्यनारायण शर्मा के राहुल गांधी ल राष्ट्रपुत्र बताए जाए के बाद अब कांग्रेस विधायक अमितेश शुक्ला ह बताईस नवा महात्मा गांधी, फेसबुक अउ ट्विटर म करे पोस्ट म राहुल गांधी के समर्थन म चलाए जावत हैशटैग अभियान के साथ अपन वीडियो संदेश पोस्ट करत राहुल गांधी ल बताईस नवा महात्मा गांधी.
🅾 छत्तीसगढ़ म 2 दर्जन ट्रेन प्रभावित
दक्षिण पूर्व रेलवे के खड़गपुर रेल मंडल म खेमाशुलि रेलवे स्टेशन म रेल रोको आंदोलन के चलत छत्तीसगढ़ से होके चलईया 2 दर्जन ले जादा ट्रेन होईस प्रभावित, उहें रेलवे ह कुछ ट्रेन मन के बदलिस रास्ता, अउ कई ट्रेन करे गईस रद्द।
🅾 सीएम के बयान उपर रमन के पलटवार
मुख्यमंत्री भूपेश बघेल के नान घोटाला ल लेके दिए बयान उपर पूर्व मुख्यमंत्री डॉ रमन करिस पलटवार, कहिस कईसे मुख्यमंत्री हे, जेला राज्य म चलत ईडी के जांच के घलो नई रहय जानकारी, खुद ही नान मामला म प्रधानमंत्री ल पत्र लिखके ईडी ले जांच के करे रहिस मांग।
𝗙𝗮𝘁𝗮𝗳𝗮𝘁 𝗡𝗲𝘄𝘀 ।। छत्तीसगढ़ के दिनभर के हर छोटे बड़े खबर ।। खबर हकन के ।। 5 अप्रैल 2023
