दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

🅾 BJP नेता अउ तहसीलदार के बीच तीखा बहस
राजधानी म धरना म बईठे रसोइया संघ के महिला मन के समर्थन म पहुंचिस BJP नेता गौरी शंकर श्रीवास अउ तहसीलदार के बीच होईस जमके बहस, BJP नेता ह सरकारी नोटिस के फाड़िस कॉपी, कहिस धऱना देना हे हमार संवैधानिक अधिकार

🅾 सागौन जंगल म अवैध कटाई उपर गिरिस गाज
जशपुर म लुड़ेग के सागौन जंगल म अवैध कटाई के मामला म डिप्टी रेंजर आशा लकड़ा अउ वन रक्षक अनूप लकड़ा ल करे गईस निलंबित, वन माफिया के 3 सदस्य भी करे गईस गिरफ्तार।

🅾 छात्रावास म फूटिस कोरोना बम
गरियाबंद आश्रम के छात्रावास म फूटिस कोरोना बम, 39 छात्र-छात्रा मिलिस कोरोना पॉजिटिव, मैनपुर म 24 छात्र अउ हरदीभाठा म 15 छात्र मिलिस संक्रमित, जिला म एक्टिव मरीज के संख्या होईस 43..

🅾 प्रदेश म कोरोना के 370 नवा केस, 2 के मौत
छत्तीसगढ़ म बीते 24 घंटा म कोरोना के मिलिस 370 मरीज, ए दौरान 2 लोगन के होईस मौत, प्रदेश म एक्टिव मरीज के संख्या होईस 1260, रायपुर, राजनांदगांव अउ बिलासपुर म हे सबले जादा एक्टिव केस।

🅾 बालिका आवासीय विद्यालय म कोरोना विस्फोट
महासमुंद पिथौरा के कस्तूरबा गांधी बालिका आवासीय विद्यालय म 6वीं से 8वीं के 12 छात्रा पाए गईस कोरोना संक्रमित, उहें 30 ले जादा छात्रा सर्दी, खांसी अउ बुखार ले हे ग्रस्त।

🅾 तहसीलदार के तबादला उपर हाईकोर्ट लगाईस रोक
बलौदाबाजार कसडोल विधायक शकुंतला साहू के समर्थक के ट्रक पकड़े म पलारी तहसीलदार नीलमणि दुबे के कर देहे गए रहिस तबादला, मामला म हाईकोर्ट ह तबादला उपर अगला सुनवाई तक लगाईस रोक

🅾 मछली मारे के विवाद म हत्या
जांजगीर-चांपा के महंत गांव म होए हत्याकांड के सुलझिस गुत्थी, हत्या के 4 आरोपी मन ल नवागढ़ पुलिस करिस गिरफ्तार, पिता अउ 3 बेटा मन मछली मारे के विवाद म उतारे रहिन मौत के घाट।

🅾 छोटा मालवाहक पलटे ले 20 श्रद्धालु घायल
गौरेला पेंड्रा मरवाही म छोटा मालवाहक पलटे ले 20 श्रद्धालु होईस घायल, 6 लोगन के हालात हे गंभीर, मुंडन कार्यक्रम से लहुटत रहिन सब्बो, अमरकंटक गौरेला मुख्यमार्ग के चुक्तिपानी गांव म होईस हादसा, सब्बो अनूपपुर जिला के भेलवा गांव के हे निवासी।

🅾 कबाड़ के दुकान म लगिस भीषण आगी
दुर्ग भिलाई के ख़ुर्शीपार थाना क्षेत्र के शहीद वीर नारायण सिंह नगर पावर हाऊस ITI के सामने शीराज कबाड़ के दुकान म लगिस भीषण आगी, कबाड़ दुकान जलके होईस राख, इलाका म मचिस भगदड़।

🅾 LED टीवी चोरी करईया 2 आरोपी गिरफ्तार
बलौदाबाजार म प्राथमिक शाला भवन ग्राम लच्छनपुर म LED टीवी चोरी करईया 2 आरोपी ल करही बाजार पुलिस करिस गिरफ्तार, प्रकरण म चोरी के सब्बो समान ल करिस बरामद, आरोपी मन अपन गाँव के स्कूल म करे रहिन चोरी।

🅾 अवैध शराब ले जावत 2 आरोपी गिरफ्तार
बलौदाबाजार भाटापारा शहर पुलिस ह अवैध शराब ले जात दु आरोपी ल करिस गिरफ्तार, आरोपी मन ले 15,840 रुपया के 144 पउवा देशी मसाला शराब के साथ अवैध शराब लेके जात 1 स्कूटी ल भी करे गईस जब्त।

🅾 IPL मैच म ऑनलाइन सट्टा खेलवईया गिरफ्तार
जांजगीर के ग्राम बिरगहनी म ऑनलाइन सट्टा खेलवईया 1 आरोपी ल करे गईस गिरफ्तार, बिरगहनी निवासी आरोपी राजू बंजारे ह जर्वे रोड कना राजस्थान रॉयल्स अउ चेन्नई सुपर किंग्स के बीच IPL मैच म खेलावत रहिस ऑनलाइन सट्टा, आरोपी के कब्जा ले नगदी 950 रूपिया अउ 1 नग मोबाईल करे गईस जब्त।