छत्तीसगढ़ के अब तक के छोटे बड़े खबर पढ़व फटाफट अऊ मात्र 2 मीनट म हो जावव हर खबर ले अपडेट

IPL म छत्तीसगढ़ के 2 क्रिकेट स्टार्स
छत्तीसगढ़ के सीनियर क्रिकेट टीम के कप्तान हरप्रीत सिंह भाटिया अउ अजय मंडल के IPL के 16वां सीजन बर 2 अलग-अलग टीम म होईस चयन, हरप्रीत ल पंजाब किंग्स ह 40 लाख, जबकि अजय मंडल ल चेन्नई सुपर किंग्स ह 20 लाख रुपिया के बेस प्राइज म टीम म करिस शामिल।

भरभरा के गिरिस जर्जर आंगनबाड़ी केंद्र
कोरबा के रिसदी इलाका म भरभराके गिरिस जर्जर आंगनबाड़ी केंद्र, बाल-बाल बांचिन मासूम, घटना ले कुछ देर पहिली ही लईकन के होए रहिस छुट्टी, पार्षद अजय गौड़ कहिस अधिकारी मन ल देहे गए रहिस जर्जर भवन के जानकारी।

दंगा के ‘मास्टर’ माइंड सस्पेंड
गरियाबंद हाइवे म चक्काजाम अउ पुलिस उपर पथराव बर ग्रामीण मन ल भड़काने वाला ‘मास्टर’माइंड शिक्षक भोजलाल सागर ल करे गईस निलंबित, धुरूवागूड़ी कना धान खरीदी केंद्र खोले बर प्रदर्शन करत कांडकेला के 200 ले जादा ग्रामीण ल दंगा बर उकसाए रहिस आरोपी।

बिहाव के झांसा देके 3 बछर तक दुष्कर्म
रायपुर म बिहाव के झांसा देके युवती ले दुष्कर्म करईया आरोपी ल पीड़िता के शिकायत म पुलिस करिस गिरफ्तार, गोल्डन होम्स वीआईपी स्टेट खम्हारडीह निवासी आरोपी सिद्धार्थ सारंगी ह पीड़िता ले 3 बछर तक दुष्कर्म के घटना ल दिहिस अंजाम।

दारू पीए ले मना करे म पत्नी के हत्या
गरियाबंद के मजरकट्टा म दरूहा शिक्षक ह अपन पत्नी के करिस हत्या, दारू पीए ले मना करे म आरोपी पति ह स्टील के रॉड ले पत्नी के सिर म हमला कर उतारिस मौत के घाट, आरोपी शिक्षक इंदागाव अउ मृतका गंजई पुरी म रहिस शिक्षिका।

दुकान म घुसिस बेकाबू ट्रक
बालोद दल्लीराजहरा ले 10 किमी दूरिहा ग्राम शिकारी टोला म ड्राइवर के लापरवाही ले अनियंत्रित होके दुकान म घुसिस ट्रक, बाल-बाल बांचिस महिला, लेकिन दुकान होईस क्षतिग्रस्त, दुकान म रखे 6 लाख के सामान होईस नुकसान।

महिला टाइपिस्ट ले वकील करिस दुष्कर्म
भिलाई म महिला टाइपिस्ट ले दुष्कर्म करे के आरोप म तालपुरी निवासी वकील सौरभ पोद्दार के खिलाफ मोहन नगर पुलिस करिस केस दर्ज, न्यायालय म टाइपिस्ट के काम करईया महिला ले वकील ह 2019 ले बिहाव के झांसा देके करिस शारीरिक शोषण।

प्रहरी ल चकमा देके कैदी फरार
बिलासपुर तारबाहर थाना क्षेत्र के जिला अस्पताल म इलाज करावत घायल कैदी प्रहरी ल चकमा देके होईस फरार, सुरक्षा म लापरवाही करईया प्रहरी ल करे गईस सस्पेंड, रायगढ़ धरमजयगढ़ निवासी ललित रात्रे नाबालिग नोनी के अपहरण केस म सेंट्रल जेल म काटत रहिस सजा।

कपड़ा गोदाम ले लाखों के चोरी
अंबिकापुर नगर के ब्रह्म रोड अउ सेठ बसंत लाल मार्ग के 2 अलग-अलग कपड़ा गोदाम म लाखों के कपड़ा अउ नगद चोरी करे के मामला म 4 आरोपी ल कोतवाली पुलिस करिस गिरफ्तार, 2 आरोपी उत्तर प्रदेश हाथरस के अउ 2 अंबिकापुर के हे निवासी, चोरी के 5 लाख के कपड़ा अउ नगद रूपिया करे गईस बरामद।

लौह अयस्क के परिवहन पूरा तरह ले बंद
दंतेवाड़ा के बैलाडीला लौह अयस्क खदान ले लौह अयस्क के परिवहन सड़क मार्ग ले पाछू 5 दिन ले पूरा तरह ले हे बंद, एखर चलत बचेली अउ किरंदुल म खड़े हे करीब 200 ले जादा ट्रक, NMDC ह नई चुकाए हे वन विभाग के 144 करोड़ रुपिया, फॉरेस्ट अब जारी नई करत हे टीपी।

दुर्ग म मिलिस कोरोना के मरीज
कोरोना संक्रमण ल लेके दुर्ग म फेर एहतियात बरते जिला प्रशासन दिहिस निर्देश, शुक्रवार के एक कोविड पॉजिटिव मिले के साथ ही 4 सैंपल जीनोम सीक्वेसिंग टेस्ट बर भेजे गईस ओडिशा, स्वास्थ्य विभाग फिलहाल कोरोना ल लेके जिला म कोनो प्रकार के कोई संकट नई होए के कहिस बात।

डॉक्टर ह स्टाफ नर्स के करिस पिटाईडॉक्टर ह स्टाफ नर्स के करिस पिटाई
बिलासपुर मस्तूरी थाना क्षेत्र के मल्हार स्थित उप स्वास्थ्य केंद्र म स्टाफ नर्स के साथ मारपीट अउ गाली-गलौज करईया महिला डॉक्टर ल पुलिस करिस गिरफ्तार, जयरामनगर निवासी आरएमए चंचला रात्रे ह नर्स मंजुला रात्रे अउ लैब टेक्नीशियन कपिल मिंज के बीच गलत संबंध होए के लगाए रहिस आरोप, आरोप लगाए के कारण पूछे म डॉक्टर ह नर्स के कर देहे रहिस पिटाई।

लोन देवाए के नाव म 45 लाख के ठगी
खैरागढ़-छुईखदान-गंडई म साइबर फ्रॉड के मामला म पुलिस ह 3 आरोपी ल दिल्ली ले करिस गिरफ्तार, इंडिया बुल्स कंपनी ले 1 करोड़ के लोन देवाए के नाव म इतवारी बाजार खैरागढ़ निवासी मोहम्मद जियाउल ले 45 लाख रुपिया के करे गए रहिस ठगी, कार ले कॉल सेंटर करत रहिन ऑपरेट, तीनों आरोपी प्रतापगढ़ उत्तर प्रदेश के हे निवासी।

जंगली सुअर के हमला ले चौकीदार घायल
कोरबा शहर के दादर इलाका ले लगे ढेलवाडीह बस्ती म जंगली सूअर के हमला ले चौकीदार गंभीर रूप से होईस घायल, खून ले लथपथ ग्रामीण दूसर के घर म घुसके बचाईस जान, अस्पताल म कराए गईस भर्ती, ग्रामीण राजाराम खड़िया बस्ती कना ही श्याम लाल के फ्लाई एश ईंटा भट्ठा म करत रहिस चौकीदारी।

ईंटा भट्ठा म बंधक बनाए युवती के रेस्क्यू
तेलंगाना राज्य के ग्राम कृष्ट तापली जिला संगा रेड्डी के ईटा भट्ठा म कांकेर जिला के 22 वर्षीय युवती ल बंधक बनाए जाए के शिकायत मिले म कलेक्टर डॉक्टर प्रियंका शुक्ला ह बाल संरक्षण अधिकारी श्रम विभाग, पुलिस विभाग के अधिकारी के रेस्क्यू टीम करिस गठित, रेस्क्यू ऑपरेशन के दौरान स्पॉट म नई मिलिस ईंटा भट्ठा के मालिक, युवती ल रेस्क्यू टीम के अधिकारी अपन संरक्षण म लेके कांकेर बर होईस रवाना।

जंगल ले भटक के रिहायशी इलाका म घुसिस भालू
गौरेला पेंड्रा मरवाही के मरवाही वन मंडल अंतर्गत सिलपहरी गाँव म जंगल ले भटक के रिहायशी इलाका म घुसिस भालू, भूखा भालू गांव कति करिस रूख, जामवंत परियोजना के नाव ले जाने जाए वाला मरवाही वन मंडल म आए दिन भालू गांव म विचरण करे के संगेसंग लोगन ल बनाथे अपन शिकार।

गांव के बाहिर हाथी मन जमाईस डेरा
कोरिया अउ मनेन्द्रगढ़ वन मंडल म लगातार होवत हाथी मन के आमद ले हर कोई हो गए हे परेशान, पूरा दल बल के साथ विचरण करत हाथी मन फसल के संगेसंग मकान मन ल घलो पहुंचाईस क्षति, गुरू घासीदास राष्ट्रीय उद्यान बैकुंठपुर अंतर्गत अवईया पार्क परिक्षेत्र जनकपुर के ग्राम खोहरा जंगल म 12 हाथी के दल करत हे विचरण, ग्रामीण म दहशत के हे माहौल।