दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

प्रॉपर्टी डीलर किडनैपिंग केस
बिलासपुर सकरी क्षेत्र के प्रॉपर्टी डीलर के हाईप्रोफाइल अपहरण मामला म पुलिस ह 3 आरोपी ल करीस गिरफ्तार, आरोपी म संतोषी साहु अउ ओकर पति हेमंत साहू अउ एक युवक हे शामिल, कर्ज ले छुटकारा पाय बर ब्लैकमेल कर करीन हत्या

तेज रफ्तार ट्रैक्टर ह युवक ल रौंदीस
कबीरधाम के पोंड़ी बावापारा म तेज रफ्तार ट्रैक्टर ह पैदल चलत युवक ल रौंदिस, जेकर ले मौका म होईस मौत, शाम 5 बजे के करीब तेज रफ्तार ट्रैक्टर ह पैदल चलत युवक शत्रुहन बैगा निवासी भोरमदेव ल लिये रहीस अपन चपेट म

बेटा ह पिता ल उतारीस मौत के घाट
भिलाई‌ के बोरी थाना क्षेत्र के ग्राम परसदा खुर्द म जमीन विवाद ल लेके बेटा ह अपने पिता के हत्या कर मामा के घर बाड़ी म दफनाईस शव, पुलिस ह हत्या के केस दर्ज कर हत्यारा बेटा सूरज पटेल ल करीस गिरफ्तार

पिकअप के ठोकर ले युवक के उड़ीस चिथड़ा
बेमेतरा जिला म सड़क हादसा म एक युवक के होईस मौत, बेमेतरा ले रायपुर रोड म मटका गांव तीर होईस हादसा, युवक सोनपुरी गांव ले जावत रहीस मटका गांव, मटका गांव ले 200 मीटर पहली बाइक सवार युवक ल मध्य प्रदेश पासिंग पिकअप वाहन ह मारीस जोरदार ठोकर

पिकअप छोड़के भागीन कोयला चोर
कोरबा कटघोरा वन मंडल के केंदई रेंज के जंगल म जोरो ले चलत हे अवैध कोयला उत्खनन के खेल, कोरबा डीएफओ प्रेमलता यादव ह टीम तैयार कर जंगल म कार्रवाई करे दिहीस निर्देश, केंदई रेंज के लालपुर म दबिश देके कोयला ले भरे पिकअप करीस जब्त

जेवर चमकाय के नाव म ठगी
कोरबा जिला के कोतवाली थाना क्षेत्र म जेवर चमकाय के नाव म 2 ठग मन सोना के मंगलसूत्र ल करीस पार, रेलवे स्टेशन रोड वायरलेस ऑफिस के पाछु रहईया रविंद्र झा के पत्नी संगीता घर म रहीस अकेल्ला

रास्ता रोक के छात्रा ले गंदा हरकत
रायगढ़ के कापू थाना क्षेत्र म स्कूली छात्रा ले छेड़छाड़ के आईस मामला, स्कूल जावत बेरा युवक ह रास्ता रोकके करे लगीस गंदा हरकत, लड़की के विरोध करे म युवक ह लड़की के जमके करीस पीटाई, मामला के शिकायत म पुलिस ह आरोपी शिवनारायण सारथी ल करीस गिरफ्तार

नशीला दवाई खवाके नाबालिग ले गैंग रेप
जगदलपुर के बोधघाट थाना क्षेत्र म 4 युवक मन 14 साल के नाबालिग के करीस गैंग रेप, दुष्कर्म करईया 3 आरोपी ल पुलिस करीस गिरफ्तार, एक आरोपी हे फरार, रेप के वारदात ल अंजाम देवईया युवक बलौदाबाजार के हे रहईया

ट्रेलर के टक्कर ले सफारी के उड़ीस परखच्चा
भिलाई NH- 53 के किनारे एक तेज रफ्तार ट्रेलर ह पहली एक सफारी कार ल मारीस टक्कर, फेर पोल ले जा टकराईस, टक्कर लगे ले एसयूवी के उडीस परखच्चा, एसयूवी चालक ल आय हे मामूली चोट, बजरंग वाहिनी दल छत्तीसगढ़ के प्रदेश अध्यक्ष के हे गाड़ी

अनियमित कर्मचारी मन के बईठका
नियमितीकरण के मांग ल लेके प्रदेश के अनियमित कर्मचारी रायपुर के धरना स्थल म बड़का संख्या म एकत्रित होके करीन अनियमित बइठका, ये दौरान मौजूद पूर्व मुख्यमंत्री डॉ. रमन सिंह ह भाजपा सरकार के आय म समस्या के समाधान करे के दिहीस आश्वासन

प्रेग्नेंट गर्लफ्रेंड ल सताय म दीहीस जान
धमतरी के सिहावा थाना क्षेत्र म एक युवक ह अपन प्रेमिका ल अतका सताईस के दे दिहीस जान, लड़की रहीस गर्भवती, युवक ले शादी बर कहीस त युवक मुकरीस, जेकर बाद दुखी युवती ह जहर पीके दे दीस जान, अब ये केस म पुलिस ह आरोपी पीताम्बर यादव ल करीस गिरफ्तार

‘रासुका कांग्रेस सुरक्षा कानून हे’ – डॉ. रमन
राष्ट्रीय सुरक्षा कानून ल लेके प्रदेश के राजनीति होवत हे गरम, ये मुद्दा म विपक्ष, भारतीय जनता पार्टी के नेता मन मीडिया ले करीस बात, एकात्म परिसर म होय प्रेस कॉन्फ्रेंस म पार्टी के अध्यक्ष अरुण साव, पूर्व मुख्यमंत्री डॉ रमन सिंह, पूर्व मंत्री राजेश मूणत अउ मीडिया प्रमुख अमित चिमनानी मीडिया ले होईस मुखातिब, प्रदेश म राष्ट्रीय सुरक्षा कानून लागू करे ल लेके डॉ रमन सिंह ने कहीस रासुका कांग्रेस सुरक्षा हे कानून, ये लोकतंत्र विरोधी हे कानून

रायपुर पहुंचीन केंद्रीय संसदीय समिति
ST-SC कल्याण समिति संसदीय दल के 6 सदस्य अउ 5 अधिकारी पहुचीन रायपुर, संसदीय दल दौरा के अध्यक्षता करत हे डॉक्टर कीर्ति प्रेमजी भाई सोलंकी, प्रेमजी भाई सोलंकी के कहना हे के, एसटी, एससी कल्याण बर उनकर अधिकार के बारे म करही छानबीन, अलग-अलग ऑर्गेनाइजेशन ले करे जाही चर्चा, राज्य सरकार, सीआरपीएफ के जवान अउ एम्स म भी करही मुलाकात

सांसद फूलोदेवी नेताम ल सौंपिस ज्ञापन
बिलासपुर सिपत के एनएसयूआई कार्यकर्ता मन ब्लॉक अध्यक्ष वीरेंद्र सूर्या के नेतृत्व म राज्यसभा सांसद फूलोदेवी नेताम ल सौंपिस ज्ञापन, कॉलेज ले समस्या ले कराईस अवगत , शासकीय मदनलाल शुक्ल महाविद्यालय म शासन स्तर ले अवईया साल म नवा पाठ्यक्रम चालू करे जाए बर करिस मांग , आर्थिक तंगी ले ग्रामीण अंचल के विद्यार्थी पढ़ाई ले हो जाथे वंचित, शहर म पढाई करे बर आर्थिक तंगी बनथे बाधा, एमएससी रसायन एमएससी जंतुविज्ञान एमकॉम खोले के करिस मांग , मौका म देवेंद्र सुनहरे सहित महाविद्यालय के अन्य छात्र छात्रा मन रहिन मौजूद