दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

प्रदेश म टूटिस धान खरीदी के रिकॉर्ड
अपडेट छत्तीसगढ़ म टूटिस धान खरीदी के रिकॉर्ड, अब तक खरीदे गईस 100 लाख मीट्रिक टन धान, राज्य म बीते बछर 98 लाख मीट्रिक टन धान के होए रहिस खरीदी, ए बछर 110 लाख मीट्रिक टन धान खरीदी के अनुमान।

नि:शुल्क राशन दुकान खोलके प्रदर्शन
अपडेट मनेंद्रगढ़ चिरमिरी भरतपुर के नगर पालिका निगम चिरमिरी के कर्मचारी मन के 5 महीना ले नई मिले हे वेतन, समाजसेवी चंदन गुप्ता ह कर्मचारी मन बर निशुल्क राशन अउ सब्जी के दुकान खोलके करिस अनोखा विरोध प्रदर्शन।

कब्र खोदके निकाले गईस प्रसूता के शव
अपडेट जांजगीर के ग्राम बेलटुकरी म दू दिन पहिली ससुराल वाला मन द्वारा बहू के मौत के बाद दफनाए शव ल कब्र खोद पोस्टमार्टम बर निकाले गईस बाहिर, मृतका के मायके वाला मन ससुराल वाला मन के खिलाफ हत्या के जताए रहिस आशंका।

संविदा कर्मचारी मन के हड़ताल शुरू
अपडेट प्रदेश म शासकीय विभाग म कार्यरत संविदा कर्मचारी के 5 दिवसीय हड़ताल शुरू, कर्मचारी मन के हड़ताल म जाए ले कामकाज पड़िस ठप, मांग पूरा नई होए म अनिश्चितकालीन आंदोलन के दिहिन चेतावनी।

3 लईकन उपर भालू करिन हमला
अपडेट गौरेला पेंड्रा मरवाही जिला म भालू मन के आतंक लगातार हे जारी, सचराटोला बीट म कुम्हारी डेम ले नहाके घर लहुटत 3 लईकन उपर भालू मन करिस हमला, 2 युवक ल आईस गंभीर चोट।

पुलिया म मिलिस BJP नेता के लाश
अपडेट मॉर्निंग वाक के दौरान जगदलपुर किलेपाल के पूर्व सरपंच अउ भाजपा जिला मंत्री बुधराम करतम के घर से 2 किमी दूरिहा एक पुलिया के नीचे मिलिस लाश, परिजन हत्या के जताईस आशंका, जांच म जुटिस पुलिस।

तेंदुआ ल मारे के मांग म हंगामा
अपडेट मनेंद्रगढ़-चिरमिरी-भरतपुर के जनकपुर स्वास्थ्य केंद्र म तेंदुआ ल मारे के मांग म ग्रामीण मन मचाईस हंगामा, तेंदुआ ल मारे के बाद ही तेंदुआ के हमला म मारे गए युवक के शव के अंतिम संस्कार करे के कहिन बात।

निगमकर्मी के पत्नी करिस आत्महत्या
अपडेट भिलाई के नेवई थाना क्षेत्र म रिसाली नगर निगमकर्मी जयप्रकाश डहरे के पत्नी रेणुका डहरे ह जहर खाके दिहिस जान, युवती ससुराल वाला मन के विवाद ले रहिस परेशान, मामला के जांच म जुटिस पुलिस।

5 लाख के गांजा संग 2 आरोपी गिरफ्तार
अपडेट धमतरी थाना बोराई पुलिस द्वारा अवैध गांजा परिवहन करत 2 आरोपी ल करे गईस गिरफ्तार, हरियाणा निवासी आरोपी सोमबीर शर्मा अउ विकास शर्मा के कार ले गांजा करे गईस जब्त।

CG म आदमखोर तेंदुआ के आतंक
मनेंद्रगढ़ जनकपुर क्षेत्र के कुमारी म आदमखोर तेंदुआ ह खेत ले लहुटत युवक के लिहिस जान, महीना भर म तेंदुआ ह 3 ग्रामीण ल उतारिस मौत के घाट, लगातार हमला ले नाराज ग्रामीण मन तेंदुआ ल घेर वन विभाग ले पकड़े के करत हे मांग।

लूटपाट करना लुटेरा मन ल परिस भारी
कोरबा पाली थाना क्षेत्र के ग्राम तेलसरा म रात के राहगीर मन ले लूटपाट करना लुटेरा मन ल परिस भारी, ग्रामीण मन बाइक सवार लुटेरा मन ल पकड़के जमके करिस पिटाई, आरोपी मन कना ले सोना-चांदी के जेवर अउ हथियार बरामद, मध्यप्रदेश ले पहुंचे रहिन तीनों लुटेरा।

बस्तर म नारंगी अउ काला रंग के चमगादड़
बस्तर के कांगेर वैली नेशनल पार्क म मिलिस चमगादड़ के एक नवा प्रजाति, विभाग बर माने जावत हे बड़का उपलब्धि, नारंगी अउ काला रंग के अनोखा चमगादड़ ल केरीवोला पीक्टा प्रजाति के नाव ले जाने जाथे।

पूर्व विधायक पुनीत राम साहू के निधन
गरियाबंद राजिम के पूर्व विधायक पुनीत राम साहू के 81 बछर के उम्र म होईस निधन, पूर्व विधायक के निधन के खबर ले पूरा राजनीतिक गलियारा म हे शोक के लहर, पुनीत राम साहू 1985 म अविभाजित मध्यप्रदेश म राजिम ले रहिस विधायक।

सड़क दुर्घटना म युवा वकील के मौत
दुर्ग म एक युवा वकील आयुष मिश्रा के सड़क दुर्घटना म होईस मौत, आयुष नेहरू नगर ब्रिज ले होके जावत रहिस घर, ब्रिज के लाइट खराब होए ले डिवाइडर ले बाइक टकराए ले गईस जान, कान्हा पार्क विवेकानंद नगर कोहका के रहिस निवासी।

गर्ल्स हॉस्टल म 3 लाख के सामान चोरी
कोरबा के घंटाघर कना मिनीमाता गर्ल्स कॉलेज परिसर स्थित हाॅस्टल म बने 9 नवा प्रसाधन ले चाेर मन नल के टाेटी अउ वाॅश बेसिन करिस चोरी, काॅलेज प्रबंधन ह 3 लाख के चोरी होए के मानिकपुर पुलिस चाैकी म करिस लिखित शिकायत।

2 बछर के मासूम ले नौकर करिस दुष्कर्म
बिलासपुर रतनपुर थाना क्षेत्र म नौकर ह 2 बछर के मासूम नोनी ले करिस दुष्कर्म, दुकान म काम करईया युवक उपर भरोसा कर महिला ह मासूम ल लेहे भेजे रहिस घर, अकेला पाके करिस शर्मनाक हरकत, आरोपी युवक शिवमंगल ल पुलिस कर लिए हे गिरफ्तार।

छत्तीसगढ़ के युवक फिलीपींस ले लाईस दुल्हन
राजनांदगांव के युवक भावेश गायकवाड़ ह फिलीपींस के लड़की ले रचाईस बिहाव, बईला गाड़ी ले दुल्हन लेहे निकलिस युवक, विदेश ले आए दुल्हन ल देखे बड़का संख्या म पहुंचिस रिशतेदार।

राजधानी म सरेराह फायरिंग
रायपुर न्यू राजेंद्र नगर म गोविंद सारंग परिसर के सामने सार्वजनिक जगह म होईस फायरिंग, आरोपी ह 315 बोर राइफल ले चलाईस गोली, आरोपी युवक उमेश ल पुलिस करिस गिरफ्तार।

निगमकर्मी के पत्नी करिस आत्महत्या
भिलाई के नेवई थाना क्षेत्र म रिसाली नगर निगमकर्मी जयप्रकाश डहरे के नवविवाहिता पत्नी रेणुका डहरे ह जहर खाके दिहिस जान, युवती ससुराल वाला मन के विवाद ले रहिस परेशान, फिलहाल मामला के जांच म जुटे हे पुलिस।

राशन-बर्तन लेके ग्रामीण करत हे आंदोलन
बीजापुर के अंदरूनी इलाका फुंडरी म इंद्रावती नदी म पुल निर्माण के काम के ग्रामीण करत हे विरोध, 11 ग्राम पंचायत के सैकड़ों ग्रामीण इंद्रावती नदी के किनारे राशन-बर्तन लेके करत हे आंदोलन, ग्राम सभा के अनुमति बिना काम कराए के ग्रामीण लगावत हे आरोप।

सराफा कारोबारी ल नक्सली के नाव म धमकी
बिलासपुर सिटी कोतवाली थाना क्षेत्र म ज्वेलरी दुकान संचालक ल नक्सली के नाव म फोन कर धमकी देहे के आईस मामला, झारखंड के जामताड़ा ले सराफा कारोबारी राजेश सोनी ल बदमाश मन दुकान ले ज्वेलरी लूटे के दिहिस धमकी, थाना म केस दर्ज।

CG म टैक्स चोरी उपर लगही लगाम
टैक्स चोरी उपर लगाम लगाए बर जीएसटी ह अपन गतिविधि करिस तेज, जीएसटी प्रवर्तन के टीम ह महावीर ट्रांस सर्विस भनपुरी, रायपुर संस्थान म छापा मारके व्यापारी ले लगभग 1 करोड़ के वसूलिस टैक्स, उहें टैक्स चोरी रोके बर जीएसटी विभाग द्वारा कार्रवाई रईही जारी।

45 हजार कर्मचारी आज ले हड़ताल म
नियमितीकरण के मांग ल लेके आज ले धरना म गईस राज्य के संविदा कर्मचारी, 45 हजार कर्मचारी अपन मांग ल लेके रायपुर के बूढ़ा तालाब म करत हे प्रदर्शन, 20 जनवरी के राजधानी म होही महाधरना।

करेंट के चपेट म आके युवक के मौत
रायगढ़ कापू थाना क्षेत्र म जंगली सुअर के शिकार करे बर बिछाए करेंट के चपेट म आके एक युवक के तड़प-तड़पके गईस जान, 11 हजार वोल्ट के लाइन से अटैच रहिस तार, मामला म पुलिस ह 5 लोगन ल करिस गिरफ्तार, गोहेसलार कदमढोढी निवासी नरेश कुजूर के 10 जनवरी के होए रहिस मौत।