Chhattisgarhi News : पढ़व छत्तीसगढ़ी म छत्तीसगढ़ के आज के जम्मों छोटे बड़े समाचार । 29 नवंबर । 2025

Chhattisgarhi News : प्रधानमंत्री नरेंद्र मोदी आज छत्तीसगढ़ म राखे गे पुलिस महानिदेसक अउ महानिरीक्षक मनके साठवां अखिल भारतीय सम्मेलन के अगुवई करत हे। प्रधानमंत्री आज अउ काली सम्मेलन के तय करे आने-आने सत्र म भाग लिही। नवा रईपुर के भारतीय प्रबंधन संस्थान म तीन दिवसीय ए सम्मेलन काली सुरू होइस। केंद्रीय गृहमंत्री अमित शाह ह सम्मेलन के उद्घाटन करीन। उद्घाटन सत्र म बोलत केंद्रीय गृहमंत्री अमित शाह ह किहीन कि ए सम्मेलन अंदरूनी सुरक्षा ले जुड़े समाधान प्रस्तुत करइया एक महत्वपूर्ण मंच के रूप म विकसित होय हे। श्री शाह किहीन कि उग्रवाद, अतिवाद, आतंकवाद अउ मादक पदार्थ के विरूध्द देस म पाछू ग्यारा बछर के दउरान चलाय गे अभियान म भारत के उपलब्धि हमर पुलिस बल के दृढ़ क्षमता के प्रमाण हवय। सम्मेलन म बोलत ओमन खुफिया सूचना के सटिकता उद्देस्य के स्पष्टता अउ क्रियान्वयन म तालमेल ल नवा दउर के खतरा ले देस के सुरक्षा बर जरूरी बतइन। ओमन किहीन कि ए सम्मेलन म होवइया गोठबात विकसित भारत बर पुलिस व्यवस्था के रोडमैप ल तियार करे म सहायक होही।
केंद्रीय गृहमंत्री ह किहीन कि केंद्र सरकार ह पाछू सात बछर म पांच सौ छियासी फोर्टीफाइड पुलिस स्टेसन बनाके सुरक्षा घेरा ल मजबूत बनाय हे अउ एखरे नतीजा हवय कि दू हजार चौदह म नक्सल प्रभावित जिला के संख्या एक सौ छब्बीस रिहीस जउन आज घटके सिरिफ ग्यारा रहि गेहे। ओमन भरोसा जतइन कि अवइया डीजीपी आईजी कांफ्रेंस के पहिली देस नक्सलवाद के समस्या ले मुक्त हो जही।

एसो सम्मेलन के थीम ‘विकसित भारतः सुरक्षा आयाम‘ हवय। सम्मेलन के दउरान वामपंथी उग्रवाद, आंतकवाद-रोधी कार्रवाई, आपदा प्रबंधन, माईलोगन मनके सुरक्षा अउ पुलिसिंग म फॉरेंसिक विज्ञान अउ कृत्रिम बुध्दिमता के उपयोग जइसन प्रमुख राष्ट्रीय सुरक्षा मुद्दा म गोठबात करे जात हे। ए सम्मेलन म राष्ट्रीय सुरक्षा सलाहकार अजीत डोभाल, केंद्रीय गृह राज्य मंत्री आने-आने राज्य अउ केंद्रशासित प्रदेस के पुलिस महानिदेसक अउ केंद्रीय पुलिस संगठन के प्रमुख भाग लेवत हे।

जीडीपी
भारत के सकल घरेलू उत्पाद जीडीपी म चालू वित्तीय बछर के दूसर तिमाही म आठ दसमलव दू प्रतिसत के बढ़वार दरज करे गीस। राष्ट्रीय सांख्यिकीय कार्यालय के आंकड़ा के मुताबिक जुलाई, सितंबर तिमाही म वास्तविक जीडीपी म बढ़वार दरज करे गीस। चालू वित्तीय बछर के पहिली तिमाही म जीडीपी बढ़वार दर सात दसमलव आठ प्रतिसत दरज करे गे रिहीस। प्रधानमंत्री नरेंद्र मोदी ह चालू वित्तीय बछर के दूसर तिमाही म जीडीपी बढ़वार के प्रसंसा करीन हे। सोसल मीडिया पोस्ट म श्रीमोदी ह ए बढ़वार दर ल उत्साह जनक बतइन।

उपमुख्यमंत्री-एसआईआर
उपमुख्यमंत्री विजय शर्मा ह किहीन हे कि मतदाता सूची विशेष गहन पुनरीक्षण-एसआईआर के दउरान पाय गे हरेक संदिग्ध नांव अउ भरे गे आवेदन के जांच करे जाही। पत्रकार मनले गोठबात करत श्री शर्मा ह किहीन कि कहू मतदाता सूची म काखरो नांव फर्जी तरीका ले जोड़े गेहे या दस्तावेज म गड़बड़ी हे, त अइसन लोगन उपर वैधानिका कार्रवाई होही।

केंद्रीय राज्यमंत्री-एसआईआर
केंद्रीय राज्यमंत्री तोखन साहू ह किहीन हे कि मतदाता सूची विशेष गहन पुनरीक्षण एसआईआर होना ही चाही। भिलई म पत्रकार मनले गोठबात करत श्री साहू ह आरोप लगाइन कि एसआईआर ल लेके कांग्रेस कोति ले सरलग झूठ बोले जात हे। केंद्रीय राज्यमंत्री श्री साहू ह यहू किहीन कि भारत के जीडीपी सरलग बाढ़त हे अउ जीडीपी बाढ़थे, त एखर फायदा हर वरग ल होथे।

संसद सत्र
संसद के सीतकालीन सत्र एक दिसंबर ले सुरू होही। एखर पहिली, सरकार ह काली सर्वदलीय बइठका बुलाय हे। संसदीय कार्यमंत्री किरण रिजिजू बइठका म संसद के दूनों सदन के राजनीतिक दल के नेता मन ले भेंट करही। बइठका म सरकार सत्र के दउरान लोकसभा अउ राज्यसभा ल बने ढंग ले चलाय बर सबो राजनीतिक दल ले मदद मांगही। सीतकालीन सत्र उन्नीस दिसंबर तक चलही। सत्र के दउरान कतकोन महत्ता के विधेयक म गोठबात अउ ओखर पारित होय के संभावना हरय।

मन की बात
प्रधानमंत्री नरेंद्र मोदी काली बिहनिया ग्यारा बजे आकाशवाणी ले ‘मन की बात‘ कारीकरम म देस-विदेस के लोगन संग अपन बिचार साझा करही। ए मासिक रेडियो कारीकरम के एक सौ अट्ठाईसवां कड़ी होही। ए कारीकरम आकाशवाणी अउ दूरदर्शन नेटवर्क, आकाशवाणी समाचार वेबसाइट अउ न्यूज ऑन एआईआर मोबाइल ऐप म प्रसारित करे जाही। एखर सोज्झे प्रसारण आकाशवाणी समाचार, डीडी न्यूज, प्रधानमंत्री कार्यालय सूचना अउ प्रसारण मंत्रालय के यूट्यूब चैनल म घलो करे जाही। आकाशवाणी हिंदी प्रसारण के तुरते बाद क्षेत्रीय भाखा म ए कारीकरम के प्रसारण होही

मुख्यमंत्री-बैठक
मुख्यमंत्री विष्णुदेव साय ह काली मंत्रालय म ‘छत्तीसगढ़ अंजोर विजन‘ म शिक्षा विभाग के लक्ष्य पाय के संबंध म बइठका लीन। एमा मुख्यमंत्री ह अधिकारी मन ल लक्ष्य पाय बर कार्ययोजना तियार करके ओला बने ढंग ले चलाय के निरदेस दीन। ओमन किहीन कि लक्ष्य ल पाय बर सबले मजबूत आधार शिक्षा हवय, काबर कि कुशल अउ दक्ष लइका ही भविष्य के चुनौती के सामना कर सकही। मुख्यमंत्री ह बतइन कि प्रदेस म शिक्षक मनके संख्या राष्ट्रीय औसत ले बने हे अउ सरकारी स्कूल मन म बने शिक्षा देवाय जात हे। मुख्यमंत्री ह आंगनबाड़ी अउ बालवाड़ी ले प्रारंभिक शिक्षा ल मजबूत करे अउ महिला बाल विकास विभाग संग मिलजुल के अउ बने काम करे के निरदेस दीन।

कांग्रेस-जिला अध्यक्ष
अखिल भारतीय कांग्रेस कमेटी ह छत्तीसगढ़ के जिला कांग्रेस कमेटी के नवा अध्यक्ष मनके नियुक्ति कर देहे। पार्टी ह इकचालीस सहर अउ ग्रामीण अध्यक्ष मनके सूची जारी करे हे। एमा श्रीकुमार मेनन ल रईपुर सहर अउ राजेन्द्र पप्पू बंजारे ल रईपुर ग्रामीण जिला अध्यक्ष बनाय गेहे। अइसने आने जिला मन म घलो अध्यक्ष के नियुक्ति करे गहे।

इफ्फी
छप्पनवां भारतीय अंतर्राष्ट्रीय फिल्म महोत्सव इफ्फी काली एक सानदार अंदाज म सिरागे। प्रसिध्द अभिनेता रजनीकांत ल सिनेमा म उंखर पचास बछर के योगदान बर लाइफ टाइम अचीवमेंट पुरस्कार ले सम्मानित करे गीस। गोवा के मुख्यमंत्री प्रमोद सावंत ह अभिनेता रजनीकांत ल शॉल अउ स्मृति चिन्ह देके सम्मानित करीन।

अवारा कुत्ता-अभियान
उच्चतम न्यायालय के आदेस के परिपालन म प्रदेस के पशु चिकित्सा विभाग अउ स्थानीय निकाय कोति ले अवारा कुकुर मनके टीकाकरण के अभियान चलाय जात हे। ए कड़ी म आज नगर पालिक निगम बिरगांव म नगर निगम प्रशासन अउ पशु चिकित्सा विभाग के संयुक्त टीम कोति ले चौदह झिन अवारा कुकुर मन ल एंटी रैबिज लगाय गीस। संगेसंग उंखर चिन्हारी बर चिन्हांकन करे गीस।

अब पढ़व समाचार सार
रईपुर के शासकीय जे. योगानंदम छत्तीसगढ़ महाविद्यालय म तीन दिवसीय अंतराष्ट्रीय सेमीनार भारत में लोकतंत्र के पचहत्तर वर्ष और भारतीय ज्ञान प्रणाली बहु-विषयी दृष्टिकोण के आयोजन करे गीस। ए सेमीनार म देस-विदेस ले आय विद्वान सोधार्थी, शिक्षक अउ विद्यार्थी सामिल होइन।

स्कूल शिक्षा विभाग ह सक्ति जिला के डभरा, जैजैपुर अउ मालखरौदा के विकासखंड शिक्षा अधिकारी ल निलंबित कर देहे। ए कार्रवाई स्वच्छता सामग्री खरीदी म गड़बड़ी के मामला म करे गेहे।

भिलाई इस्पात संयंत्र प्रबंधन ह दुर्घटना-जनित परिस्थिति सुरक्षा संबंधी चूक के मामला म सिंटर प्लांट-तीन अउ ऊर्जा प्रबंधन विभाग के दू झिन महाप्रबंधक मन ल निलंबित कर देहे।

तीरंदाजी प्रतियोगिता
छत्तीसगढ़ के सब-जूनियर तीरंदाज मनखे राष्ट्रीय प्रतियोगिता मं बढ़िया खेले रहिन, चांदनी गोल्ड, तोरण ब्रॉन्ज जीते, अउ महिला टीम ह सिल्वर मेडल लईके राज के मान बढ़ाइन।​

कोरबा रेलवे यार्ड हादसा
कोरबा रेलवे यार्ड मं पेंटिंग करत बखत जवान ला करंट लग गे रहिस, चार दिन तक इलाज चलिस, फेर आखिर मं ओकर मोत हो गे, रेलवे के लापरवाही ऊपर सवाल उठत हे।​

मासूम छात्र पिटाई मामला
स्कूल मं एक मासूम लइका के झिन शिक्षक ह बेरा-करमी ले पिटिस, मामला सामने आइस त DEO ह कारवाही करत शिक्षक ला सस्पेंड कर दिस।​

दो बड़े साइबर फ्रॉड
पुलिस ह दू बड़े ऑनलाइन ठगी के मामला खुलवाइस, जेमां दु कोटी ले जियादा रकम लूटे गे रहिस, दू राज ले चार आरोपी मन ला धर-पकड़ कर गे।​

खाद की कमी से हंगामा
बेमेतरा रोड इलाका मं खाद के कमी से किसान मन झनझना गे, सड़क जाम कर के जोरदार हंगामा करिन, जऊन ले आवाजाही घंटों धरासाय रहिस।​

IND vs SA मैच के दौरान कालाबाजारी
रायपुर मं होवत भारत–दक्षिण अफ्रीका मैच बर छत्तीसगढ़ स्टेट क्रिकेट संघ ह मैदान मं मिलत खाय-सामन के कालाबाजारी रोके बर सख्त आदेश निकालिस, रेट लिस्ट टांगना जरूरी कर दिस।​

दूसरी कक्षा के छात्र की पिटाई
एक अउ मामला मं गिनती ठीक से नइ सुना पाय ला लेके दूसरी कक्षा के छात्र ऊपर शिक्षक के गुस्सा फूटिस, पिटई ले लइका के आंख मं खून आ गे अउ चेहरा सूज गे।​

अवैध धान स्टॉक
धान खरीदी चलते-चलते प्रशासन ह अवैध भंडारण ऊपर नजर कसिस, अलग-अलग जगह छापा मार के लगभग 860 क्विंटल धान जप्त कर ले गे।​

खबर फटाफट

• DGP-IGP कॉन्फरेंस मं पीएम मोदी अउ गृह मंत्री मन पैरामिलिट्री फोर्सेस के अफसर मन संग बैठक करे, जेमे नक्सल विरोधी अभियान अउ सीमा सुरक्षा के हाल के ऑपरेशन ऊपर चर्चा होइस
• कांग्रेस के नवा जिला अध्यक्ष मन के सूची निकलतेच महासमुंद जिला अध्यक्ष जफर उल्ला खान इस्तीफा दे देइन, वो मन पार्टी ऊपर धोखा देय बर आरोप लगाइन
• प्रदेश के 10 हजार ले जियादा मेडिकल स्टोर मं QR कोड लगही, जनता दवाई के साइड इफेक्ट अउ शिकायत मन QR कोड स्कैन करके या हेल्पलाइन मं बताय सकही
• रायपुर के आंबेडकर अस्पताल ले दस महीना पहिली जे नवजात बच्चा चोरी होए रहिस, वो मामला मं अदालत मां– बेटी दू झन ला 10–10 बछर के सजा देहे
• कांग्रेस के जिला अध्यक्ष मन के सूची पर डिप्टी CM विजय शर्मा कहिन के BJP मं संगठन प्रधान रहिथे, फेर कांग्रेस मं नेता प्रधान रहिथे, कहि के तंज कसिन
• CG Vyapam अमीन भरती बर एडमिट कार्ड जारी हो गे, परीक्षार्थी मन व्यावसायिक परीक्षा मंडल के आधिकारिक वेबसाइट ले अपन एडमिट कार्ड डाउनलोड कर सकथें
• अमरजीत भगत कांग्रेस के नवा जिला अध्यक्ष मन ला कहिन के निजी शिकवा–शिकायत छोड़के सब्बो मिलजुल के संगठन के काम मं जुड़ जावय, टीम ला मजबूत करय
• महतारी वंदन योजना के 22वीं किस्त ले पहिली लाभार्थी महतारी मन के eKYC अउ बैंक वेरिफिकेशन जइसने जरूरी काम पूरा करना परही, नइ तो किस्त के पैसा अटक सकथे
• सूरजपुर जिला मं जंगली हाथी के आतंक जारी ये, एक दंपति ला हाथी कुचलके मार देहे, घटना ऊपर गांववाले मन वन विभाग सेती खिसियाय हवंय
• बिलासपुर तोरवा इलाका के 17 बछर के किशोर 11 दिन ले लापता ये, परिवार वाले मन जगह–जगह भटकत हवंय अउ एसपी दफ्तर पहुंचके मदद मांगे हवंय