दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

🅾 DGP अशोक जुनेजा NIA ल लिखिस चिट्ठी
छत्तीसगढ़ पुलिस महानिदेशक अशोक जुनेजा ह NIA ल लिखिस चिट्टी, बस्तर म होए तीन भाजपा नेता के हत्या के जांच के करिस अनुरोध, बतादन माओवादी मन के इलाका लगातार सिकुड़े ले नक्सली म हे बौखलाहट।

🅾 मृतक के 2 दोस्त ही निकलिस कातिल
बिलासपुर मस्तूरी थाना क्षेत्र के शराब भट्टी कना मिले लाश मामला के पुलिस करिस खुलासा, मृतक के 2 दोस्त ही निकलिस कातिल, शिबू खान अउ अरमान खान गिरफ्तार, गला म वार कर उतारे रहिन मौत के घाट।

🅾 2 रीडर सस्पेंड, 3 नायब तहसीलदार ल नोटिस
दुर्ग कलेक्टर पुष्पेंद्र मीणा ह तहसील कार्यालय के करिस औचक निरीक्षण, खामी पाए म तीन नायब तहसीलदार ल कारण बताओ नोटिस जारी करत 2 रीडर ल घलो करिस सस्पेंड।

🅾 दारू दुकान के सुपरवाइजर-गार्ड समेत 6 गिरफ्तार
बिलासपुर सरकंडा थाना क्षेत्र के दारू दुकान म अंग्रेजी दारू म मिलावट के आईस मामला, आबकारी विभाग के टीम ह 6 आरोपी ल करिस गिरफ्तार, पकड़े गए आरोपी म दुकान के सुपरवाइजर अउ गार्ड हे शामिल, ब्रांडेड बोतल म मिलावत रहिन सस्ता दारू।

🅾 गांजा तस्करी मामला म RPF स्टाफ ल जेल
रायपुर जीआरपी ह गांजा तस्करी मामला म RPF स्टॉफ राजेंद्र यादव ल भेजिस जेल, महासमुंद के रेलवे स्टेशन स्थित कैंटीन म शंकर पंडित नाम के मुख्य आरोपी ल करीब 7 किलो गांजा सप्लाई करे के RPF स्टॉफ उपर लगे हे आरोप।

🅾 छात्रावास म 2 छात्र के बीच चाकूबाजी
महासमुंद प्री मैट्रिक अनुसूचित जाति बालक छात्रावास म चाकूबाजी के होईस घटना, 8वीं के छात्र ह 10वीं के छात्र ल चाकू मार करिस घायल, छात्रावास अधीक्षक 112 के मदद ले घायल छात्र ल पहुंचाईस मेडिकल कॉलेज, सुरक्षा व्यवस्था ल लेके अधीक्षक अउ आदिम जाति कल्याण विभाग के सहायक आयुक्त झाड़त हे पल्ला।

🅾 कांग्रेस के अधिवेशन ल लेके सिंहदेव के बयान
कांग्रेस के अधिवेशन ल लेके मंत्री टीएस सिंहदेव के आईस बयान, कहिस कांग्रेस महाधिवेशन हम सब्बो बर हे गौरवपूर्ण आयोजन, पोस्टर वार ल लेके मंत्री कहिस पार्टी कति ले नई बल्कि व्यक्तिगत तौर म लगाए गए रहिस पोस्टर, प्रोटोकॉल के तहत ही लगाए जाही पोस्टर।

🅾 शमशान म तंत्र-मंत्र करे के आईस मामला
बेमेतरा जिला मुख्यालय के बिक्री स्थित मुक्तिधाम म जलत चिता कना बईठके तंत्र-मंत्र करे के आईस मामला, कुछ लोगन जलत चिता तिर बैठके करत रहिन तंत्र-मंत्र क्रिया, मौका म पहुंच 4 लोगन ल गिरफ्तार कर मामला के जांच म जुटिस पुलिस।

🅾 नागमणि देखाए के नाव म 15 लाख के ठगी
गौरेला-पेण्ड्रा-मरवाही म नागमणि के नाव म ठगी करईया गिरोह के पुलिस करिस भंडाफोड़, 1 आरोपी गिरफ्तार, उहें 4 फरार शातिर के तलाश म जुटिस पुलिस, थाना गोरेला क्षेत्र के ग्राम कन्हारी के रिटायर्ड टीचर हरिप्रसाद कश्यप ल नागमणि के लालच दिखाके 15 लाख के करे रहिस ठगी, आरोपी कना ले 3 लाख नगदी करे गईस बरामद।

🅾 राजधानी म जुटही देश के नामी शेफ
राजधानी रायपुर के सुभाष स्टेडियम म 17 ले 19 फरवरी तक छत्तीसगढ़ मिलेट कार्निवल के होही आयोजन, मिलेट के नवा-नवा व्यंजन बनाना सिखाही नामी गिरामी शेफ, फूड कोर्ट म लोगन उठा सकही लुत्फ।

🅾 रिटायर्ड अफसर उपर नकाबपोश मन करिन अटैक
बिलासपुर सिविल लाइन थाना क्षेत्र के नर्मदा नगर म घर म घुसके 2 नकाबपोश लुटेरा मन BSNL के रिटायर्ड अफसर अउ पत्नी उपर चाकू अड़ाके मांगिस गहना अउ पईसा, 16 साल के नातिन ल भी करिन घायल।

🅾 6 बछर के मासूम ले पड़ोसी ह करिस दुष्कर्म
दुर्ग म 6 बछर के मासूम नोनी के साथ पड़ोसी ह करिस दुष्कर्म, घर म अकेला पाके करिस गंदा काम, काम ले बाहिर गए रहिस मां-बाप, आरोपी युवक अमन विश्वकर्मा ल नंदिनी पुलिस करिस गिरफ्तार।

🅾 ट्रेलर ले कुचल के जीजा-साला के मौत
रायगढ़ चक्रधर नगर थाना क्षेत्र के ग्राम तिलगा-भगोरा म तेज रफ्तार ट्रेलर के चपेट म आके बाइक सवार जीजा-साला के होईस मौत, गुस्साए ग्रामीण मुआवजा के मांग ल लेके करिन चक्काजाम।

🅾 जॉब दिलाए के नाव म 1 लाख के ठगी
बिलासपुर सिविल लाइन क्षेत्र के मंगला स्थित गंगानगर म बैंक म जॉब दिलाए के नाव म 1 लाख के करे गईस ठगी, युवती ह नौकरी डॉट काम म अपलोड करे रहिस रिज्यूम, ठग मन बनाईस शिकार।

🅾 पथरा खदान म ब्लास्टिंग ले लड़की के मौत
जशपुर कुनकुरी क्षेत्र के मयाली गांव म पथरा खदान म ब्लास्टिंग के दौरान पथरा के टुकड़ा के चपेट म आए ले स्कूली छात्रा के होईस मौत, ग्रामीण करिन चक्काजाम, सुरक्षा म प्रबंधन के लापरवाही ले होईस हादसा।