दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट
🅾 हुक्का बार के संचालन अवैध घोषित
नशा ल लेके राज्य सरकार के बड़का फैसला, प्रदेश म हुक्का बार के संचालन होईस अवैध घोषित, संशोधित अधिनियम तत्काल प्रभाव से होईस लागू।
🅾 बीएड-डीएड म 12वीं के प्राप्तांक म मिलही प्रवेश
प्रदेश म बीएड अउ डीएड के खाली सीट मन म अब 12वीं के परसेंट बेस म होही भर्ती, स्कूल शिक्षा विभाग के अपर सचिव पुलक भट्टाचार्य ह आदेश करिस जारी।
🅾 KTU म नवा कुलसचिव के होईस नियुक्ति
कुशाभाऊ ठाकरे पत्रकारिता अउ जनसंचार विश्वविद्यालय म कुलसचिव के तौर म चंद्रशेखर ओझा के करे गईस नियुक्ति, उहें विश्वविद्यालय के कुलसचिव डॉ. आनंद शंकर बहादुर के प्रतिनियुक्ति करे गईस समाप्त।
🅾 2 सहेली ट्रेन ले कटके करिस खुदकुशी
भिलाई निवासी 2 किशोरी मन 14 फरवरी के रात ट्रेन ले कटके करिन खुदकुशी, 3 दिन बाद होईस शव के पहिचान, मुंबई-हावड़ा अप लाइन चन्द्रा-मौर्या टॉकीज कना के हे घटना।
🅾 जंगल ले भटक के गांव म आईस तेंदुआ
बिलासपुर अचानकमार टाइगर रिजर्व ले भटकके तखतपुर के बिनौरी गांव पहुंचिस एक तेंदुआ, दहशत म आईस लोगन, वन मंडल अउ कानन पेंडारी टीम के 5 घंटा के मशक्कत के बाद पिंजरा म कैद होईस तेंदुआ।
🅾 आश्रम म 8वीं के छात्र करिस आत्महत्या
दंतेवाड़ा कुआकोंडा थाना क्षेत्र के बुरगुम के आश्रम म 8वीं के छात्र ह फांसी लगाके करिस आत्महत्या, दिनभर स्कूल ले गायब रहिस छात्र मनोज कड़ती, संझा कमरा म फंदा ले लटकत मिलिस लाश।
🅾 पेड़ ले टकराईस तेज रफ्तार कार, 1 के मौत
बालोद म पेड़ ले टकराईस तेज रफ्तार कार, 1 के मौका म होईस मौत, 2 लोगन गंभीर रूप से घायल, शिवरात्रि म मूर्ति स्थापना बर मूर्ति लाए दल्ली राजहरा ले ग्राम किल्लेकोड़ा जाए के दौरान होईस हादसा।
🅾 हॉस्पिटल सेक्टर म 30 झोपड़ी जलके राख
भिलाई के टाउनशिप के हॉस्पिटल सेक्टर म 30 झोपड़ी जलके होईस राख, करीब 100 लोगन होईन बेघर, लाखों के सामान, गाड़ी, कपड़ा जलके राख, फिलहाल कोई जनहानि के नई हे खबर।
🅾 ट्रक के टक्कर ले लईका के दर्दनाक मौत
बिलाईगढ़ म एक बार फेर देखे बर मिलिस रफ्तार के कहर, ट्रक ह बाइक सवार ल मारिस टक्कर, हादसा म बाइक सवार लईका के होईस दर्दनाक मौत, हादसा ले मचिस बवाल।
🅾 पुलिस के गाड़ी ले युवक के मौत
रायगढ़ कोतरा रोड थाना क्षेत्र म ग्राम कोसमनारा कना पुलिस के गाड़ी ले एक युवक के होईस मौत, उहें दूसर युवक गंभीर रूप से हे घायल, सिटी कोतवाली म पदस्थ हेड कॉन्स्टेबल सुमन चौहान के ड्राइवर ह लापरवाही ले वाहन चलात बाइक सवार 2 युवक ल मारिस जोरदार टक्कर, गुस्साए परिजन अउ ग्रामीण थाना म जमके करिन हंगामा।
🅾 चेतावनी देत राकेश टिकैत दिहिस बड़का बयान
किसान नेता राकेश टिकैत ह सरकार ल घेरत कहिस के धान के बोनस देके किसान मन के नई होवय भला, किसान के मुद्दा उपर सरकार ले करबो बातचीत, बात नई बनही त रायपुर म दिखही ट्रैक्टर मार्च।
🅾 एक अउ शराबी शिक्षक सड़क म करिस हंगामा
स्कूल शिक्षा मंत्री डॉ प्रेमसाय सिंह के इलाका म एक अउ शराबी शिक्षक स्कूल शिक्षा ल सड़क म करिस शर्मसार, 2 दिन पहली भरतपुर म घलो आए रहिस अईसनहे मामला, अब फेर एक शराबी शिक्षक ह कलेक्टर ल ही देखाईस जमीन, मनेंद्रगढ़ के आश्रम शाला खोंगापानी के प्रधान पाठक नीरज सिंह के पुलिसकर्मी ले गाली गलौच करत वीडियो होवत हे वायरल।
🅾 छत्तीसगढ़ म शराबी शिक्षक के आईस बाढ़
जशपुर के पत्थलगांव विकासखंड के बालमपारा ले घलो एक शराबी शिक्षक के वीडियो होवत हे वायरल, प्राथमिक शाला खारढोढ़ी बालमपारा के प्रधान पाठक सोखा राम सिदार ताड़ी पीके स्कूल म मिलिस सोवत, साथ ही टेबल म दिखिस ताड़ी अउ चखना, स्कूली लईकन प्रधान पाठक उपर प्रताड़ित करे के भी लगाईन आरोप।
🅾 दर्दनाक सड़क हादसा म बाप-बेटी के मौत
कांकेर चारामा क्षेत्र के ग्राम जैसाकर्रा कना सड़क किनारे खड़े ट्रक ल बाइक चालक ह पीाछू ले मारिस ठोकर, बाइक म सवार एके परिवार के 3 लोगन म बाप बेटी के घटनास्थल म ही होईस मौत, गंभीर रूप से घायल महिला ल अस्पताल म कराए गईस भर्ती, शादी कार्यक्रम म शामिल होए बालोद जावत बेरा होईस घटना।
🅾 विवाहिता के फंदा म लटके मिलिस लाश
जांजगीर-चांपा पामगढ़ थाना क्षेत्र के चंडीपारा म 28 बछर के विवाहित युवती नाजनीन परवीन के संदिग्ध हालत म घर म फांसी म लटके मिलिस लाश, मायके वाला मन बताईन के मौत ले कुछ देर पहिली बेटी ह फोन म अपन जान के बताए रहिस खतरा।
