🆅🅸🅳🅴🅾 रतनपुर : मानवसेवा के मिशाल बनके उभरिस कोटा के विष्णु अग्रवाल, होईस अनोखा शादी

गुरुदेव सोनी । बिलासपुर रतनपुर के नजदीक कोटा के प्रतिष्ठित व्यवसायी अउ समाज सेवा के क्षेत्र म कई उपलब्धि हासिल करईया विष्णु अग्रवाल जेन ह सर्व धर्म अउ मानव कल्याण के भावना ले पांच निर्धन कन्या मन के बिहाव म उपस्थित जम्मो लोगन के भोजन से लेके तमाम इंतजाम के जिम्मा लेके बड़ ही धूमधाम ले इंखर ब्याह रचाके समाज म एक अहम भूमिका निभाय हे, अउ ये बिहाव के पूरा खर्चा इंखर खुद ले वहन करके समाज बर एक प्रेरणा स्त्रोत बनिस

कोटा के पुलिस ग्राउंड म बिहानिहा ले ही ये पांचों निर्धन कन्या अउ वर पक्ष मन के अलावा आसपास के क्षेत्र के लोगन मन भारी संख्या म उपस्थित होके ये वैवाहिक आयोजन के साक्षी बनिस, जेमा हिन्दू रीतिरिवाज के अनुसार गायत्री परिवार के द्वारा इंखर बिहाव संपन्न कराय गइस , ये दौरान बिहाव के जम्मो रश्म ल पूरा करत सात फेरा लेके ये पांचों वर कन्या मन परिणय सूत्र के बंधन म बंधिस, जेमा पाणिग्रहण ले लेके कन्यादान अउ दहेज के रूप म उंखर सबो आवश्यकता के सामान के संग पांचों जोड़ी मन ल इक्कीस हजार रुपिया नगद प्रदान करे गइस , ये अनोखा बिहाव ल देखे बर हजारों के तादात म लोगन मन उमड़ पड़े रहिस, जेमा ये बिहाव के बाद ये पांचों दूल्हा दुल्हन मन ल बैंड बाजा अउ आतिश बाजी के संग विशाल शोभा यात्रा निकाल के नगर भ्रमण कराय गइस, ओखर बाद ये आयोजन के आखरी म बेलगहना सिद्ध बाबा आश्रम ले पहुंचे स्वामी शिवानंद जी महाराज के द्वारा वर वधु ल आशीर्वाद प्रदान कर ये विवाह कार्यक्रम ल सम्पन्न करे गइस।

और खबरें देखें

🆅🅸🅳🅴🅾 रायपुर- रिसेप्शन के दिन बंद कमरे में मिला दुल्हा दुल्हन की लाश…जानें INSIDE STORY