छत्तीसगढ़ महतारी अंगना नगपुरा , बिलासपुर म क्रांति सेना द्वारा मनाय गईस राज्योत्सव

छत्तीसगढ़ राज्य गठन के 24 वां वर्षगांठ के पावन मौका म छत्तीसगढ़िया क्रांति सेना संगठन द्वारा बिलासपुर ले सटे गांव नगपुरा म छत्तीसगढ़ महतारी प्रांगण म राज्योत्सव के जोरदार कार्यक्रम करे गईच । रंगारंग कार्यक्रम म मुंगेली, तखतपुर ले आए कलाकारों मन रंगारंग प्रस्तुति अपन छत्तीसगढ़ी गाना म दिस । सबले पहिली छत्तीसगढ़ महतारी के पूजा अर्चना ले कार्यक्रम शुरू होईच जेमा हजारों लोगन हर एक साथ महतारी के पूजा अर्चना करीच। संगठन प्रमुख कृष्णा कौसिक हर बताइस कि आज ही के दिन ये जगह म माटी महतारी छत्तीसगढ़ के प्रतिमा स्थापित करे गए रहीस जेखर आज प्रथम वर्षगांठ अउ हमर राज्य स्थापना के 24वे वर्षगांठ ल संयुक्त रूप से मनाये गईच। साथ ही ओहर मंच ले आह्वान करीच कि छत्तीसगढ़िया रोजी रोजगार, अस्मिता, भाषा संस्कृति बर लोगन आगे आए। वही कार्यक्रम प्रभारी पुनीराम सूर्यवंशी हर बताइस कि ऐसा कार्यक्रम हमर अंचल म कभू नई होये रहिच जेला देखे बर हजारों लोग सकलाईच। ये मौका म छत्तीसगढ़िया क्रांति सेना के सैकड़ो सदस्य समेत आसपास के हजारों लोग उपस्थित रहिच।