दिनभर के भाग दौड़ म छूट गए हे छत्तीसगढ़ के जम्मों छोटे बड़े खबर, त चिंता का बात के…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट
🅾 प्रसव के दौरान जच्चा-बच्चा के होईस मौत
सूरजपुर के एक निजी नर्सिंग होम म प्रसव के दौरान जच्चा-बच्चा के होईस मौत, डॉक्टर मन उपर प्रसव के दौरान लापरवाही बरते के परिजन लगाईस आरोप, परिजन के शिकायत म मामला के जांच म जुटिस पुलिस।
🅾 आमा टोरत बेरा तलाव म गिरके मासूम के मौत
बिलाईगढ़ के सुकली गांव म आमा टोरत बेरा तालाव म गिरके डूबे ले 8 साल के मासूम के होईस मौत, 24 घंटा बाद नगर सेना अउ SDRF रायपुर के टीम ह निकालिस शव, परिजन के रो-रोके हे बुरा हाल।
🅾 ट्रक के नीचे दबके 2 लोगन के दर्दनाक मौत
सारंगढ़-बिलाईगढ़ म स्थित चंद्रपुर नेशनल हाईवे म ट्रक के नीचे दबके 2 लोगन के होईस दर्दनाक मौत, दूनों युवक चंद्रपुर के गोपालपुर अउ मिरौनी गांव के हे निवासी, हादसा के बाद गुस्साए लोगन नेशनल हाईवे म करिन चक्काजाम।
🅾 रिहायशी इलाका म बड़का कोल डिपो के संचालन
जांजगीर चांपा के रिहायशी इलाका म बड़का कोल डिपो के होवत हे संचालन, प्रशासन के स्वीकृति उपर उठत हे सवाल, महज 50 मीटर के दूरी म चांपा रेलवे जंक्शन से लगे हे ए कोल डिपो, प्रतिदिन सैकड़ों के तादाद म ट्रक मन ले होथे कोयला डंपिंग, रेलयात्री अउ राहगीर डस्ट ले होवत हे परेशान, जिम्मेदार विभाग के अधिकारी बने हुए हे मूक बधिर, तिरुपति कोल डिपो के हे पूरा मामला, जिहां भारी मात्रा म करे जाथे कोयला के मिश्रण।
🅾 छत्तीसगढ़ म कोरोना के 59 नवा मरीज
छत्तीसगढ़ म बुधवार के पाछू 24 घंटा म मिलिस 59 नवा मरीज, अब एक्टिव मरीज के संख्या होईस 238, रायपुर म सबले ज्यादा 64, जबकि बिलासपुर म 34 अउ दुर्ग म होईस 32 एक्टिव मरीज, कोरोना के बाढ़त आंकड़ा ह स्वास्थ्य विभाग के बढ़ाईस चिंता।
🅾 31 कार्यकर्ता बीजेपी ल दिहिन झटका
बीजापुर म 31 भाजपाइ कांग्रेस के लिहिन सदस्यता, एमा उसूर के 20 अउ भैरमगढ़ ब्लॉक के 11 कार्यकर्ता हे शामिल, बीजापुर विधानसभा ले MLA विक्रम मंडावी ह सब्बो के कांग्रेस पार्टी म करिस स्वागत।
🅾 खड़े ट्रक म जा भिड़िस बाइक, 2 के मौत
कवर्धा नेशनल हाइवे 30 रायपुर-जबलपुर मार्ग के दशरंगपुर कना खड़े ट्रक ले जा भिड़िस तेज रफ्तार बाइक, 2 युवक के मौका म ही होईस मौत, 1 गंभीर रूप से घायल, बेमेतरा ले कवर्धा कति आवत रहिन बाइक सवार तीनों युवक।
🅾 हिंदू संगठन अउ भाजपा कार्यकर्ता मन ल गाली
सुकमा म एक सनकी युवक ह हिंदू संगठन अउ भाजपा कार्यकर्ता मन ल गाली देत हुए सोशल मीडिया म गौ-मांस के संग वीडियो करिस अपलोड, वीडियो वायरल होए के बाद आरोपी युवक साजिद खान गिरफ्तार।
🅾 मेडिकल कॉलेज अस्पताल म नर्स लगाईस फांसी
दुर्ग के श्री शंकराचार्य मेडिकल कॉलेज अस्पताल म स्टाफ नर्स के फांसी म लटके मिलिस लाश, बिहनिया ड्यूटी म हॉस्पिटल पहुंचे नर्स दामिनी ह फांसी लगाके करिस आत्महत्या, हॉस्पिटल मैनेजमेंट अउ परिजन ले पुलिस पूछताछ हे जारी।
🅾 चोरी के मामला म फर्जी पत्रकार गिरफ्तार
बिलासपुर म ज्वेलर्स व्यवसायी के सोना चोरी करईया फर्जी कथित पत्रकार अउ साथी ल पचपेड़ी पुलिस करिस गिरफ्तार, फर्जी कथित पत्रकार रूप चंद्र राय ह 12 लाख के आभूषण ल लगाईस ठिकाना, कथित फर्जी पत्रकार छत्तीसगढ़ नाम ले चलात रहिस पोर्टल।
🅾 चलत बाइक म दारू पीना पड़िस भारी
गौरेला पेंड्रा मरवाही म चलत बाइक म दारू पीए के वीडियो वायरल होए के बाद कोटमी इलाका के दूनों युवक आकाश अउ अभिषेक गुप्ता उपर पुलिस करिस कार्रवाई, नशा म धुत दूनों युवक दुबटिया ले कोटमी रोड म चलात रहिन गाड़ी।
