CG के स्कूल म ठंड के ताला
छत्तीसगढ़ के कई जिला म परत हे कड़ाका के ठंड, कोहरा ले ढंकिस कई इलाका, कई जिला म शीतलहर के प्रकोप ल देखत प्रदेश के कई जिला कलेक्टर मन स्कूल मन म 3 दिन के छुट्टी करिस घोषित, अर्धवार्षिक परीक्षा करे गईस स्थगित।
साइंस कॉलेज चौपाटी उपर बवाल
रायपुर के साइंस कॉलेज ग्राउंड म चौपाटी के विरोध म बवाल नई लेवत हे थमे के नाव, पूर्व मंत्री राजेश मूणत सैकड़ों कार्यकर्ता के साथ देवत हे अनिश्चितकालीन धरना, मूणत कहिस मास्टर प्लान के नियम के खिलाफ, कोर्ट तक पहुंचिस मामला।
जिला अध्यक्ष के बड़का बयान
कोंडागांव म धर्मांतरण के मुद्दा म बंद ल लेके सर्व आदिवासी समाज के जिला अध्यक्ष भंगाराम दिहिस बड़का बयान, कहिस सर्व आदिवासी समाज बंद के समाज नई करय समर्थन, आदिवासी मन ल लड़ाए जावत हे आदिवासी मन के खिलाफ।
धान खरीदी केंद्र के अंदर जाम
दुर्ग के ननकट्ठी धान खरीदी केंद्र म एक कति भीगत रहिस हजारों क्विंटल धान, त उहें दूसर कति कार्यालय प्रबंधक अपन साथी मन साथ मनावत रहिस दारू पार्टी, दारू के नशा म मिले प्रबंधक अविनाश बंछोर धान नई भीगे के करिस दावा।
पत्नी के मईके जाए म युवक लगाईस फांसी
बिलासपुर पचपेड़ी थाना क्षेत्र के धुर्वाकारी म शराब के नशा म युवक फांसी लगाके करिस आत्महत्या, झगड़ा होए म पत्नी लईका मन ल लेके चल दिहिस मईके, दूसर दिन दुखी पति नीतिश भारद्वाज फंदा म लटक के दिहिस जान, युवक रहिस आदतन शराबी।
बिहाव के झांसा देके युवती ले दुष्कर्म
बालोद म बिहाव के झांसा देके युवती ले दुष्कर्म करे के आईस मामला, युवक द्वारा अनाचार करे के बाद प्रेमिका के गर्भवती होए म जहर के डिब्बा देके जंगल म छोड़ के होईस फरार, पीड़िता के शिकायत म आरोपी सालिकराम टावरे ल करे गईस गिरफ्तार।
बीजेपी नेत्री के कार उपर हमला
बेमेतरा बेरला अहिवारा मार्ग म ग्राम पेंड्रीतराई कना भिलाई से लहुटत भाजपा जिला उपाध्यक्ष संतोषी साहू के कार उपर 3 नकाबपोश बदमाश मन पथरा ले करिन हमला, कार के सामने के शीशा होईस क्षतिग्रस्त, पेड़ ले टकराए बर बाल-बाल बांचिस कार।
हाथी ले बांचे बर भागत गर्भवती महिला के मौत
मुंगेली लोरमी के अचानकमार टाइगर रिजर्व क्षेत्र म ए दिन हाथी मन के आतंक हे जारी, एटीआर के बफर जोन क्षेत्र म कई घर ल पहुंचाईस नुकसान, खुड़िया पुलिस चैकी क्षेत्र के बिसौनी गांव म हाथी ले बांचे बर भागत गर्भवती महिला रामकुमारी बैगा के गिरे ले होईस मौत, 2 लोगन हे घायल।
छत्तीसगढ़ म धर्मांतरण उपर घमासान
नारायणपुर म धर्मांतरण ल लेके होए बवाल के बाद इलाका म तनाव के बने हे स्थिति, फोर्स अब भी प्रभावित क्षेत्र म हे तैनात, ईसाई बने लोगन के उखाड़े जावत हे कब्र, तेजी ले बाढ़त धर्मांतरण ले संस्कृति नष्ट होए के आदिवासी मन ल हे डर।
पेड़ ले टकराईस बाइक, युवक के मौत
कांकेर के हाटकर्रा तरांदुल मार्ग म ग्राम बनोली कना अनियंत्रित होके पेड़ ले टकराईस बाइक सवार युवक, हादसा म युवक के मौका म होईस मौत, मृतक के अब तक नई होए हे शिनाख्त, कार्रवाई म जुटिस पुलिस।
उपसंचालक जनसंपर्क अधिकारी के तबादला
उप संचालक जनसंपर्क अधिकारी छगनलाल लोन्हरे के होईस तबादला, बेमेतरा म भेंट मुलाकात के दौरान मुख्यमंत्री ले पत्रकार मन करे रहिन शिकायत, बेमेतरा ले जगदलपुर करे गईस तबादला, विश्वासराव मस्के, डिप्टी कलेक्टर, जिला ल आगामी आदेश तक सहायक संचालक, जिला जनसंपर्क कार्यालय, बेमेतरा के सौंपे गईस अतिरिक्त प्रभार।
अलग-अलग दुर्घटना म 3 लोगन के मौत
बलौदाबाजार के पलारी म अलग-अलग दुर्घटना म 3 लोगन के होईस मौत, रोहांशी रोड कना पिकअप के ठोकर ले बाइक सवार एक व्यक्ति के होईस मौत, दूसर घटना म 20 वर्षीय युवती ह कीटनाशक दवा के सेवन कर, त एक 55 वर्षीय अधेड़ ह फांसी लगाके करिस आत्महत्या, तीनों मामला के जांच म जुटिस पलारी पुलिस।
राजपथ म नई दिखय छत्तीसगढ़ के झांकी
ए दारी गणतंत्र दिवस के दिन राजपथ म नई दिखय छत्तीसगढ़ के झांकी, “मिलेट मिशन” उपर आधारित बने हे झांकी, मंत्री अमरजीत भगत झांकी के चयन नई होए ल बताईस निराशाजनक, कहिस प्रधानमंत्री भी मीलेट मिशन के करे रहिस तारीफ, छत्तीसगढ़ के साथ होवत हे पक्षपात।
7 जनवरी के अमित शाह आही कोरबा
7 जनवरी के गृहमंत्री अमित शाह आही कोरबा, अरुण साव सभा स्थल के लिहिस जायजा, ए दौरान शाह आकांक्षी जिला मन म जारी योजना के करही समीक्षा, साथ ही भाजपा के वरिष्ठ नेता मन ले घलो करही मुलाकात, नवा बछर म छत्तीसगढ़ म विधानसभा चुनाव ल लेके शाह के दौरा ल माने जावत हे अहम।
मोबाइल गेम के विवाद म मर्डर
बेमेतरा परपोड़ी थाना क्षेत्र के गोडमर्रा गांव म एक युवक ह दूसर युवक के करिस हत्या, आरोपी मनोहर कोसरे ल पुलिस करिस गिरफ्तार, गांव के धर्मदास ले मोबाइल गेम खेले के बात ल लेके होए विवाद म गुस्साए युवक ह धर्मदास के ऊपर लात घूसा अउ डंडा ले करे रहिस ताबड़तोड़ हमला।
महिला मन कलेक्ट्रेट के करिन घेराव
बिलासपुर म बड़का संख्या म महिला मन कलेक्ट्रेट के करिन घेराव, अवैध शराब दुकान बंद करे जाय के मांग ल लेके करिन नाराबाजी, शराब दुकान के वजह ले ग्रामीण महिला मन ल होवत हे परेशानी, तखतपुर के सरसेनी के रहईया हे जम्मो महिला।
