🆅🅸🅳🅴🅾 रतनपुर : आदिशक्ति माँ महामाया देवी मंदिर म चैत्र वासंती नवरात्र आरम्भ, जगमगा उठिस दरबार

गुरुदेव सोनी । रतनपुर के महामाया देवी मंदिर म ये बछर चैत्र वासंती नवरात्रि के अनुष्ठानिक महोत्सव आज ले प्रारम्भ हो गए हे, जिंहा ये नवरात्रि पर्व के दौरान भक्ति रस के गंगा उफान म हे, अउ दुरिहा दुरिहा ले भक्त मन के आय के सिलसिला प्रारंभ हो गए हे , जेमा देश के विभिन्न राज्य ले श्रद्धालु मन मातारानी के एक झलक पाय के खातिर देवी के जयकारा लगावत घंटों कतार म खड़े रहिन,अउ इंखर चेहरा म शक्ति के देवी माँ महामाया के एक झलक पाय बर गजब के उत्साह अउ आस्था देखे बर मिलिस।
देखव वीडियों

आज नवरात्र के पहलईया दिन के धार्मिक अनुष्ठान म सबले पहिली मंदिर परिषर म चारो तरफ धूप परिक्रमा करे गइस, फेर माँ महामाया के विधिविधान ले द्वार पूजा सम्पन्न होइस अउ ओखर बाद मातारानी के आह्वान करे गइस, तथा घट स्थापना करे गइस, अउ फेर होइस शंख ध्वनि अउ नगाड़ा के धुन म माँ महामाया की दिव्य आरती जेमा सैकड़ो की तादात म भक्तगण मन उपस्थित रहिस। आरती के बाद ये धार्मिक अनुष्ठानिक महोत्सव म विभिन्न ज्योतिकलश कक्ष मन म भक्त्त मन के मनोकामना ज्योतिकलश प्रज्जवलीत करे गईस , जेखर झिलमिलावत आस्था के दीपमाला मन के रश्मि के सात्विक आभा ले सुसज्जित माता रानी के दरबार देखत ही देखत जगमगा उठिस, अउ ये दैदिव्यमान ज्योति कलश के मन ल मोह लेहे वाला नयनाभिराम अलौकिक दृश्य के दर्शन मात्र ले ही सारा संताप दूर हो जाथे, अइसन भक्त मन के आस्था हे । ये बछर मनोकामना ज्योति कलश के कुल संख्या लगभग 21000 हे, जेमा घी अउ तेल ज्योति कलश शामिल हे , आजीवन ज्योतिकलश प्रज्ज्वलित करवाने वाले मन के संख्या ह लगभग सत्रह सौ है , जेमा देश के कोना कोना के श्रद्धालू मन के द्वारा ज्योतिकलश प्रज्ज्वलित करवाय गए हे, ये दौरान श्रद्धालु मन बर मामहामाया अउ मनोकामना ज्योति कलश दर्शन बर मंदिर ट्रस्ट द्वारा ऑनलाइन के भी व्यवस्था करे गए हे।

एखर अलावा बाहिर ले अवइया श्रद्धालु मन बर सुविधा व्यवस्था ल देखत हुए मंदिर ट्रष्ट के द्वारा प्राथमिक स्वास्थ्य केंद्र के तहत चिकित्सा व्यवस्था अउ पुलिस बल सेवा आदि के संग निःशुल्क भंडारा आदि के भी व्यवस्था करे गए हे।रतनपुर ले डिजिटल रिपोर्टर गुरुदेव सोनी के रिपोर्ट