दिनभर के लकर धकर म छूट गए हे छत्तीसगढ़ के आज के जम्मों छोटे बड़े खबर, त नो टेंशन…मात्र 2 मीनट म हो जावव हर छोटे बड़े खबर ले अपडेट अऊ रहव अप-टू-डेट

नेता प्रतिपक्ष के बेटा उपर रेप के आरोप
छत्तीसगढ़ विधानसभा में नेता प्रतिपक्ष नारायण चंदेल के बेटे उपर लगीस रेप के आरोप लगा है। बेटा पलाश चंदेल के खिलाफ बिहाव के झांसा देके दैहिक शोषण के मामला करे गईस दर्ज

गांव के गली म घूमत नजर आईस भालू
गौरेला-पेंड्रा-मरवाही के दानीकुंडी गांव म गली म घूमत दिखिस भालू, वन के बेतहाशा कटाई अउ उत्खनन के कारण इंसानी आबादी कति करत हे रूख, रानगिर मन द्वारा बनाए वीडियो सोशल मीडिया म होवत हे वायरल।

सरकार के कारगुजारी ले जनता तंग – चंदेल
नेता प्रतिपक्ष नारायण चंदेल कांग्रेस सरकार उपर बोलिस बड़का हमला, तंज कसत कहिस कांग्रेस छत्तीसगढ़ म निकालत हे हाथ ले हाथ जोड़ो यात्रा अउ कांग्रेस सरकार के कारगुजारी ले तंग जनता हाथ जोड़के बक्श देहे के करत हे अपील।

झुमका महोत्सव म जमके हुड़दंग
कोरिया म आयोजित झुमका जल महोत्सव म जमके होईस टोरफोर, सुखबीर सिंह के परफॉर्मेंस के दौरान दर्शक मन जमके टोरिन कुर्सी, मंच म झूमत रहिन अफसर, पुलिस-प्रशासन, ओति कुर्सी टोरे के मचे रहिस होड़।

9 हजार महिला ले सवा 2 करोड़ के ठगी
दुर्ग म होमग्राउंड कॉर्पोरेशन मार्केटिंग कंपनी ह काला मोती के माला बनाए के बिजनेस के नाव म 9 हजार ले जादा महिला ले सवा 2 करोड़ रुपिया के करिस ठगी, कार्यालय म ताला जड़के कंपनी फरार, महिला अउ परिजन जमके मचाईन हंगामा।

वनडे ले पहिली ऑनलाइन टिकट पोर्टल ठप
भारत-न्यूजीलैंड के बीच 21 जनवरी के रायपुर म पहिली बार होवईया इंटरनेशनल वनडे मैच ल लेके सरकारी एजेंसी अउ क्रिकेट संघ के सिस्टम होईस धराशायी, कुछ टिकट बंटे के बाद ही सिस्टम होईस बंद, क्रिकेट प्रेमी मन म नाराजगी।

अज्ञात वाहन ले टकराईस बाइक, 3 के मौत
रायगढ़ खरसिया के नजदीक कुनकुनी हाइवे म वेदांता कोल साइडिंग तीर अज्ञात वाहन ले टकराईस बेकाबू बाइक, 3 युवक के होईस मौत, 1 युवक गंभीर रूप से घायल, एके बाइक म सवार 4 युवक टाइल्स के काम कर लहुटत रहिन घर।

टीचर ह कार ले स्पोर्ट्स कोच ल मारिस टक्कर
भिलाई शंकरा स्कूल के महिला टीचर ह लापरवाही ले कार चलात बॉक्सिंग कोच कृष्णा कुमार दसमाना ल मारिस टक्कर, ढाई घंटा तक तड़पत घायल ल ग्रीन कॉरिडोर बनाके गंभीर हालत म भेजे गईस रायपुर।

बिलासपुर म 2 लईकन के मां ले दुष्कर्म
बिलासपुर तोरवा थाना क्षेत्र म 2 लईकन के मां ले करे गईस दुष्कर्म, बदमाश युवक ह महिला के पति अउ लईकन ल जान से मारे के धमकी देके करिस रेप, दुर्ग सुपेला म दबिश देके आरोपी सागर भारती ल पुलिस करिस गिरफ्तार।

जूता-चप्पल के माला पहिनके फेसबुक लाइव
सूरजपुर म देखे बर मिलिस एक अनोखा विरोध प्रदर्शन, जनपद पंचायत अध्यक्ष जगलाल देहाती ह एक कार्यक्रम म होए अपमान ले नाराज होके जूता-चप्पल के माला पहिन फेसबुक म आईस लाइव, विधायक समेत अधिकारी मन उपर निकालिस भड़ास।

दारू के नशा म छत ले गिर के युवक के मौत
भिलाई छावनी थाना अंतर्गत बिहारी मोहल्ला म शराब के नशा म छत ले गिर के एक युवक के होईस मौत, देर रात ममा के संग पार्टी मनाके घर लहुटे रहिस युवक, बिहनिया घर के नीचे पड़े मिलिस लाश, जांच म जुटिस पुलिस।

नाबालिग ह फांसी लगाके करिस आत्महत्या
कोरबा बालको थाना अंतर्गत ग्राम रूमगड़ा के शिवनगर म 11 वीं के छात्र ह फांसी लगाके करिस आत्महत्या, नाबालिग के पढ़े लिखे म नई लगत रहिस मन, नवा बाइक देवाए के अपन मां ले करत रहिस जिद, फिलहाल मामला के जांच म जुटिस पुलिस।

ईको कार ले 20 पेटी शराब जब्त
महासमुंद म ईको कार ले 1 लाख 20 हजार के 20 पेटी शराब करे गईस जब्त, सायबर सेल अउ थाना सांकरा के टीम बल्दीडीह चैक जोंक नदी पुल कना नाकाबंदी कर कुटेला निवासी प्रमोद चौहान ल करिस गिरफ्तार।

4 लापरवाह आरक्षक निलंबित
काम म लापरवाही अउ संदिग्ध आचरण के कारण 4 आरक्षक उपर गिरिस गाज, बसना थाना के आरक्षक दिलीप टण्डन, उत्तरा सांते, यशवंत ध्रुव अउ सांकरा थाना म पदस्थ रमाकांत साहू ल महासमुंद SP धर्मेन्द्र सिंह करिस निलंबित।

राजधानी म गुंडा उपर पुलिस के हंटर
राजधानी म बाढ़त अपराध उपर लगाम कसे बर एक्शन मोड म आईस पुलिस, आधा दर्जन ले जादा इलाका म दबिश देके पुराना बदमाश, हिस्ट्रीशीटर समेत निगरानी बदमाश मन के खिलाफ करिस औचक कार्रवाई, छापामारी म 30 ले जादा बदमाश ल करे गईस गिरफ्तार।

सूमो कार ले 20 बकरी के चोरी
बालोद के ग्राम तमोरा म कार ले 20 बकरी के चोरी के आईस मामला, सूमो कार ले पहुंचे अज्ञात चोर मन ल पशुपालक मन दउड़ा के पकड़े के करिन कोशिश, लेकिन नई मिलिस सफलता, अज्ञात आरोपी के खिलाफ अपराध दर्ज, एखर पहिली ग्राम पारागांव म 11 बकरी के होए रहिस चोरी।

3 हजार जूनियर डाक्टर के हड़ताल शुरू
छत्तीसगढ़ म सरकारी अस्पताल के करीब 3 हजार जूनियर डाक्टर शुरू करिन अनिशचितकालिन हड़ताल, जूनियर डाक्टर एसोसिएशन ह दोगुना छात्रवृत्ति देहे के रखे हे मांग, अस्पताल के ओपीडी अउ इमरजेंसी सेवा होही प्रभावित, ओपीडी सीनियर डाक्टर के भरोसा।

गिरफ्तार आरोपी के भाई उपर चाकू ले हमला
रायपुर के दलदल सिवनी म होए चाकूबाजी मामला म गिरफ्तार आरोपी त्रिशाल दुबे उर्फ प्रिंस दुबे के भाई हर्षद दुबे ल जेल के बाहिर मारे गईस चाकू, आरोपी कोर्ट ले हर्षद के पीछा करत पहुंचे रहिस जेल, युवक ल गंभीर हालत म मेकाहारा म कराए गईस भर्ती, आरोपी युवराज सिंह अउ सूरज हे फरार।

तोता के तस्करी करईया गिरफ्तार
गरियाबंद उदंती सीतानदी टाइगर रिजर्व कुल्हाडीघाट वन परिक्षेत्र म तोता के तस्करी करत पश्चिम बंगाल निवासी तरुण मंडल ल पुलिस करिस गिरफ्तार, आरोपी के कब्जा ले तोता के 21 लईका करे गईस बरामद, आरोपी ह जंगल ले पकड़के तोता के करत रहिस तस्करी।

कबाड़ी दुकान म ब्लास्ट, किशोर के मौत
राजधानी के टिकरापारा इलाका के शुभम के मार्ट कना कबाड़ी दुकान म होईस ब्लास्ट, घटना म 10 वर्षीय एक बालक के होईस मौत, 2 अन्य हे घायल, घटना के बाद कबाड़ी संचालक हे फरार, तलाश म जुटे हे पुलिस।

अवैध गांजा के संग महिला-पुरुष गिरफ्तार
रायपुर टिकरापारा क्षेत्रांतर्गत भाठागांव के नया बस स्टैण्ड कना 3 किलो गांजा के संग महिला अउ पुरुष ल करे गईस गिरफ्तार, कबीरधाम निवासी शिव शम्भू झारिया अउ बुधिया बाई के कब्जा ले लगभग 30 हजार के गांजा जब्त।

कोयला दलाल के बीच खूनी संघर्ष
कोरबा दीपका खदान उपर अब कोल माफिया के मंडराए लगिस साया, खदान म कोयला दलाल के बीच वर्चस्व के लड़ाई बर होईस खूनी संघर्ष, एक व्यक्ति द्वारा चाकू लेके धमकात हुए वीडियो वायरल।